Tiger@MIRROR余潔滢遭網民大爆拍拖一年?!　各式各樣情侶飾品/IG互動頻繁

香港人氣組合MIRROR人氣越來越高，一舉一動都受到網民們嘅關注。日前，成員之一嘅Tiger（邱傲然）就被網民踢爆疑似同余香凝妹妹余潔滢拍拖，仲喺討論區列出咗幾個有力嘅證據，引起網民熱議，網民果然好眼利啊！

Photo from TigerIG

12人男團MIRROR年紀最細嘅成員Tiger（邱傲然）即將22歲生日，小虎隊（Tiger粉絲團名）專程為佢租咗25個巴士站燈箱作為生日應援，仲為佢舉辦咗一個為期4日嘅「Tiger Yau - The Power of Two」相展。據悉，生日應援總共嘅花費係約$15萬，而Tiger自己亦專程去打卡感謝粉絲～

Photo from TigerIG

Photo from TigerIG

人氣高就自然會引起大家關注啦～日前，Tiger@MIRROR就被網民喺討論區大爆疑似同余香凝妹妹余潔滢熱戀中！而網民仲非常用心咁將兩人係情侶嘅證據一一列出，而家就等我哋一齊睇下啦～

Photo from 連登討論區

第一，余潔滢受邀請去睇MIRROR演唱會，而後台嘅合照Tiger亦好罕有咁企喺主人公位置一齊合照，當時就有網民喺照片下面留言表示「好似見到啲嘢」。另外，余潔滢仲疑似為Tiger自創品牌Dézert做隱藏model。根據，女仔嘅頭髮顏色就可以知道並非Dézert一向御用嘅女model，睇嚟兩人嘅關係十分友好～

Photo from 余潔滢IG

Photo from Dézert IG

網民亦發現佢哋兩人「好巧合」咁有好多相似嘅情侶飾物，例如漁夫帽、戒指、手鈪等。而兩人喺IG所post嘅幾張照片都係同一個地方，令網民不禁懷疑兩人嘅關係！

Photo from TigerIG

Photo from 余潔滢IG

最後，兩人喺IG嘅互動十分頻繁，而且態度親密，網民仲發現余潔滢幾乎將Tiger所有嘅IG Post都全部like晒！

Photo from TigerIG

現時24歲余潔滢本身係模特兒，比Tiger大2年。出道不久就獲得拍劇機會，曾拍攝ViuTV《黑市》、《男排女將》等。仲因為樣貌同姐姐余香凝太相似，而經常被網民誤認佢哋兩人係雙胞胎！

Photo from 余潔滢IG

Photo from 余潔滢IG

據悉，兩人就係因為拍攝《男排女將》而變得熟絡，繼而發展成情侶關係。而爆料嘅網民就表示兩人嘅關係可能已經維持咗接近一年，而周遭嘅朋友都已經知道兩人嘅「秘密」。睇嚟又多一位鏡仔要封盤喇～

Photo from 余潔滢IG

Photo from 余潔滢IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）