港女不滿男友常健身 力數3宗罪！餐餐雞胸 冇得撐檯腳～網民：最愛嘅係gym唔係你！

唔少女士都希望擁有一個大隻男友，既可以保護自己，拖出街又有面。但魁梧身材需要付出努力，有港女就不滿男友過於沉迷健身，更上網力數其「健身3宗罪」！

Photo from 老表, 你好hea! TVB

近日，一名女網民於香港討論區已「有個鍾意健身嘅男朋友真係好煩……」為題發文，指兩年多前開始覺得男友肥胖，而且佢家族有肥胖史，所以擔心男友年老時會周身病痛，當時並開始「迫佢做運動」。

Photo from 調教你Mirror ViuTV

但女事主嘅噩夢就此展開，更數出男友嘅3宗罪。第一，女事主指男友一星期會做5日運動，所以約佢前都要視乎男友邊日唔洗做運動，放工想約男友撐枱腳都有機會因為健身而被放飛機。所以，女事主每次約男友前都要畀一星期通知。

Photo from 老表, 你好hea! TVB

第二，即使成功約男友食飯，都可以好煩惱。女事主表示，由於男友驚磅數反彈同時想增肌「男友食乜都要揀一輪」，而且食物必定要低脂、高蛋白質，米線拉麵等菜式都不作考慮，因為整個湯底都係油，「最好餐餐食雞肉」。對於大時大節都要「淡而無味」咁過，女友覺得相當無情趣。

Photo from 東張西望 TVB

第三，女事主眼見男友身形越來越好，漸漸感到壓逼感，稱唔想自己被比下去，擔心自己會襯唔起男友。

Photo from 愛回家之開心速遞 TVB

網民對此都有不同意見，有人認為持續做健身代表份人有紀律，係難能可貴嘅事；亦有人覺得事主太腌尖，「開頭嫌人肥，之後又嫌人太fit，好難配合」。

Photo from 愛回家之開心速遞 TVB

有其他網民則認為事主男友對健身有點走火入魔，到達視健身比女友更重要嘅地步，而佢健身原因都有好多可能性，萬一係想吸引其他異性就麻煩，事主需慎重考慮能否接受。

Photo from 香港討論區 評論

另有其他人建議事主可以同男友一起健身、一起煮健康餐，咁事主可以保持身形同時煮出一噸適合大家口味與分量嘅餐。

Photo from 肥媽優質食好D TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）