港女失業欲減家用 被父母要求搬走「家用只加不可減」網民：當交租金算！

香港唔少家庭經常為畀家用問題爭執。近日，一名港女於討論區發文大呻自己失業後想減家用，卻被重男輕女嘅父母要求搬走，否則只包一餐伙食，令佢深感委屈，遂向網民詢問意見。

最近，一名女網民於親子王國討論區發文，表示自己係家中長女，有一弟弟，而父母都有重男輕女觀念，事主向來都不能發表己見，一發聲就係錯。佢透露，畢業後第一份工作薪金有7千元，當時已畀3千元作家用，即超過4成人工，而且，當時佢需要過海返工，車費高達5百元。但係，佢家人認為無要求佢畀一半薪金做家用已係非常慷慨。

Photo from 香港愛情故事 TVB

至於佢細佬則「鐘意就畀，畀幾多就畀幾多」，事主稱佢雖然唔知細佬家用嘅確實金額，但肯定無超過其人工4成，令佢感到不公平。

Photo from 愛回家之開心速遞 TVB

事主遂透露，佢上一份工作月薪逾1.5萬元，但去年被公司解僱。佢三個月後搵到新工，但月薪不足1.5萬元。薪金減少加上早前去進修，令佢無太多積蓄剩，故希望能減少家用，卻引起家人強烈反對。

Photo from 香港愛情故事 TVB

雪上加霜嘅係，佢家人表示「家用只可加不可減」，令事主大呻：「但其實我由出黎做嘢到現在已（將人工）加到$3800，但屋企人都話無加過俾佢地；甚至話$3800好多咩，搵唔到咁多係你無本事」。除此以外，事主稱家人們自己都有返工，故無需完全靠佢維持生計。

Photo from 香港愛情故事 TVB

事主又稱，雖然佢返人工較低嘅新工後將家用減少了6百元，但一向以來，佢畀嘅家用只包午餐一隻雞腿及晚飯，其他開支都由佢自己支付。

Photo from 東張西望 TVB

事主表示，佢當初答應返新工係因為唔想被家人指責咁耐都唔搵嘢做，豈料現時搵到工又被斥畀少咗家用。令事主更失望係，佢家人表示「既然你俾唔到，一係只包你一餐，又或者你搬出去住」。事主稱，雖然搬出去住會有更多自由，但佢擔心自己人工不足以承擔租金，為此感到不知所措。

Photo from 親子王國

唔少網民都替事主感到不值，認為佢家人絕情及計較，猶如「陌生嘅親人」，面對佢哋，自強就好，而且要有底線，防止被家人以親情綁架。

Photo from 親子王國 評論

Photo from 親子王國 評論

有人認為事主家人睇錢重要過親生女兒，建議佢人工支付到嘅話應該搬走，甚至寧願住劏房。

Photo from 親子王國 評論

但亦有人覺得事主工作多年，畀$3800家用算少，需要考慮埋其他開支先判斷到金額合唔合理。至於弟弟，佢唔向事主索取金錢就無問題。

Photo from 親子王國 評論

有網友認為，事主既然唔富有，未必支付到出面租金，倒不如將3千8百元家用當成租金，「出面租床位都唔止3800，現實無錢就要低頭」。

Photo from 親子王國 評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）