港男同居4個月列出女友3大問題！ 成地頭髮/一個星期唔洗頭

唔少情侶都會選擇婚前同居，順便了解一下對方日常嘅生活習慣，互相磨合。最近，有位港男就喺討論區表示同女友同居咗4個月之後，女友嘅「真面目」開始曝光！佢仲列出咗3個難頂嘅行為，引起網民關注～

Photo from TVB

成日都聽人講「相見好同住難」，情侶之間同居嘅話就更加可以睇得出兩人嘅唔同之處。近日，有港男就喺討論區大呻同女友同居所發現嘅事，認為同女友住好麻煩！佢表示而家同女友同居咗4個月，頭3個月都仲係「蜜月期」，大家都互相禮讓同遷就對方。

Photo from 香港討論區

不過當兩人同居踏入第4個月，女友嘅「真面目」就開始逐漸曝光！而佢舉出咗3個自己唔太接受到嘅問題，首先就係女友每次沖完涼，都會搞到成地都係頭髮，一開始女友都會自己執返好，但而家就已經係完全唔理。

Photo from TVB

另外，港男就話女友初初一齊住嘅時候，會好溫馨咁日日都煮飯比佢食，但而家就會話佢唔係工人，甚至當港男OT完返屋企都係要自己煮嘢食。

Photo from TVB

而港男認為最離譜嘅就係女友竟然可以忍受足足一個星期唔洗頭！佢仲話女友嘅髮量已經變少「頭就黎光過比達個額頭啦」，而且頭髮散發出嚟嘅異味，連佢瞓覺時都聞到！港男最後就話就算佢有幾不修邊幅都可以，但以上呢3點就真係令佢十分困擾，詢問網民有咩方法可以解決。

Photo from TVB

大部份網民都認為咁樣反映咗港男同女友嘅生活習慣唔同，需要時間磨合同溝通解決先係正確嘅解決方法；但亦有網民認為兩人應該分手，因為認為女友應該係有公主病！不過，有唔少網民亦嘗試為女友平反，話女仔頭髮咁長，其實地下有頭髮係好平常嘅事～

Photo from 香港討論區

Photo from 香港討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）