姜濤為破壞婚姻關係向「苦主」致歉「對唔住你哋」Jer為鏡佬爭取呢樣福利！

近日，男團MIRROR粉絲嘅老公苦主聯盟「我老婆嫁咗MIRROR導致婚姻破裂關注組」聲名大噪，群組成員數目於短時間內突破18萬，就連經理人花姐都話追post追到唔想瞓！成員姜濤更向一眾「苦主」致歉！

Photo from MIRROR FB

MIRROR今年人氣爆燈，隨著粉絲人數暴升，越來越多鏡粉伴侶慘成被MIRROR「介入關係」嘅苦主，繼而在FB成立「我老婆嫁咗MIRROR導致婚姻破裂關注組」。

Photo from 我老婆嫁左比Mirror導致婚姻破裂關注組

有人家中被大型姜濤海報佔領，亦有鏡粉老公指佢老婆發開口夢喊要Jer Jer（成員柳應廷 Jer）。可見鏡佬生活中嘅大小事都被一班鏡仔入侵！

Photo from 我老婆嫁左比Mirror導致婚姻破裂關注組

Photo from 我老婆嫁左比Mirror導致婚姻破裂關注組

MIRROR成員姜濤及柳應廷（Jer）日前出席音樂會活動時，都表示有關注事件。姜濤對有鏡佬家中出現自己嘅巨型海報感到興趣：「覺得都幾靚」。

Photo from MIRROR FB

不過，佢同時向受影響嘅鏡佬致歉：「如果影響到大家夫妻關係，我都唔好意思，對唔住你哋，希望粉絲老公都可聽聽MIRROR歌曲，或者會鐘意」。

Photo from 姜濤 IG

另一成員Jer表示得悉有鏡粉要伴侶將5千元消費券投資到MIRROR產品，並對做法表示反對，佢認為每個人應有經濟自由，呼籲鏡嫂唔好強迫另一半。但Jer唔排除帖文有機會只係搞gag，並非真實事件。

Photo from 我老婆嫁左比Mirror導致婚姻破裂關注組

Photo from 柳應廷 IG

另外，ViuTV將製作運動會節目，邀嚟多位星級嘉賓如鄧麗欣（Stephy）等與旗下組合MIRROR和ERROR一齊拍節目。運動會當然不少得游泳比賽，被問到是否會穿泳褲上陣，姜濤及Jer都即時耍手擰頭。姜濤怕自己嘅水著look會嚇走大家，甚至被公司解約，又稱花姐唔會畀呢件事發生。此時，花姐突然嚇姜濤說：「唔止著泳褲，仲要係白色！」姜濤即被嚇呆。而Jer都表示自己係保守派，唔敢輕易穿泳褲示眾。

Photo from 姜濤 IG

Photo from 柳應廷 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）