【香港小姐2021】28位入圍佳麗大公開！ 老土款式連衣裙 釀成時裝大災難

今年嘅《2021香港小姐競選》已經完成咗兩次嘅面試，並且選出咗28位佳麗入圍初賽！日前，TVB就正式公佈呢28位入圍嘅候選佳麗身份，並且透露今年最特別嘅就係新增咗準決賽。而家就等我哋一齊睇下今屆有邊幾位嘅大熱佳麗啦～

Photo from TVB

《2021香港小姐》嘅兩次面試都已經完滿結束，而當時嘅一班參賽者仲引起咗熱話！經過一輪面試之後，而家已經選出咗28位嘅候選佳麗進入初賽。而今年嘅比賽將會以真人騷嘅形式舉行，並且會分準決賽同決賽，而決賽預計將會於9月播出。

Photo from TVB

負責統籌《2021香港小姐》嘅經理何小慧喺接受傳媒訪問時，就表示由於今年嘅入圍人數比往年多，因此加插咗新環節。而且，仲會新增一個為期兩星期嘅節目，安排28位佳麗去西貢Staycation取代以前遠赴海外拍攝外景嘅環節，「其實就好似入訓練營咁，喺入面有機會俾人淘汰」！

Photo from TVB

早前，經過改造後嘅28位後選佳麗就首次公開亮相會見傳媒！佳麗們都穿上咗唔同款式嘅連身裙，不過就俾網民嫌款式老套，反而令佳麗們顯得更加老氣。而家就等我哋齊齊睇下今屆港姐嘅真身啦～

Photo from TVB娛樂新聞台

Photo from TVB YouTube

我哋先從被網民選為今屆大熱嘅3位開始睇！第一位就係26歲嘅「花女」陳聖瑜，佢任職零售統籌兼KOL，希望將來可以成為一位多元化嘅藝人。

Photo from TVB娛樂新聞台

Photo from TVB娛樂新聞台

大熱仲有同樣係26歲嘅梁凱晴，佢任職市場行銷，希望成為一位有影響力嘅人；而23歲嘅梁允瑜就係一位模特兒，身高176cm，希望將來可以成為一位演員。

Photo from TVB娛樂新聞台

Photo from TVB娛樂新聞台

藝人關禮傑嘅女兒關楓馨亦成功入圍，佢就表示爸爸媽媽都非常支持佢，不過就話希望可以靠自己而入行，而並非用「星二代」嘅光環。

Photo from TVB娛樂新聞台

Photo from TVB娛樂新聞台

即睇更多佳麗們經過大改造之後嘅面貌啦～

有網民就認為大會所安排嘅衣著令佳麗們睇好成熟，唔太適合佢哋！

Photo from TVB娛樂新聞台

Photo from TVB娛樂新聞台

呢位身穿豹紋款式連身裙嘅佳麗，本身已經係健康膚色，再加上服裝嘅顏色配搭，令佢好似睇落變得更黑。

Photo from TVB娛樂新聞台

Photo from TVB娛樂新聞台

睇嚟大會真係預備咗好多唔同款式嘅裙俾各位佳麗，不過呢啲裙嘅款式靚唔靚，就真係各花入各眼喇～

Photo from TVB娛樂新聞台

Photo from TVB娛樂新聞台

Photo from TVB娛樂新聞台

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）