港男同異性朋友共事大呻中伏「麻煩嘢我做晒」網民：兵就兵啦 咩朋友呀？

返工唔好同同事做朋友就聽得多，但同朋友做同事就較少見。近日，一名港男於網上討論區發文，指自己被安排與一名異性朋友共事。豈料該女同事係free rider，令佢工作量倍增，想向上司投訴卻又唔忍心。

Photo from 愛回家 TVB

最近，一名男網友於連登討論區發文，表示自己近期被安排同一位原屬其他工作隊伍，但私底下相熟嘅女性朋友一齊做嘢。佢哋需要自行分配工作，但該名女同事卻將麻煩事務交曬畀男事主做，仲話自己嘅工作好難搞。

Photo from 愛回家 TVB

有一次，事主完成了自己部分，遂問女同事進度如何，「佢答我搞掂咗一半，我真係我O咗嘴。 之後仲要比我睇到佢喺度煲劇。」

Photo from SBS

除此，女同事曾稱自己月事到，身體不適，事主遂叫佢休息一下。於是，女同事返工兩小時後便請病假走人，餘下工作要事主幫忙完成。而最令事主生氣嘅係，佢透過IG限時動態發現女同事於「病假」期間去咗睇戲。

Photo from 連登評論

事主透露自己曾好想向上司舉報女同事，奈何一諗到同佢嘅友誼，事主就唔忍心。因此，佢認為自己無用，「我認我垃圾，太心軟。」事主更勸喻各位「千祈唔好同fd （朋友）做同事」。

Photo from 愛回家 TVB

Photo from 連登評論

Photo from 連登評論

好多網民都覺得事主被搵笨，而且嚴重質疑佢同女同事之間嘅關係，「你有冇諗過得你當佢係朋友？」、「兵仔就兵仔，咩朋友呀」，更有人將事主標籤為「朋友（工具人）」。

Photo from 連登評論

Photo from 連登評論

Photo from 連登評論

有人建議事主必定要反抗，否則將來會被女同事搶功勞，「佢實喺老細面前吹到自己幾忙幾難做」，而事主獨自面對嘅工作難題亦會變成同女同事一齊解決嘅困難。

Photo from 愛回家之開心速遞 TVB

Photo from 連登評論

另有人建議事主下次先進行分工，完成自己部分後不再關心女同事進度，被上司查問時便指已搞掂負責部分，唔清楚對方情況，希望咁樣可令事主同女同事劃清界線。

Photo from 連登評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）