38歲女愛穿蘿莉塔裝 憂40歲前無法出嫁 用Zoom識人全軍覆沒 正職竟然做呢樣？！

一講起Lolita（蘿莉塔），一般大眾都聯想起日系女生穿著有蕾絲邊嘅連身裙造型。著蘿莉塔裝出街都需要勇氣面對路人目光。喺日本，一名38歲女士卻堅持每日穿Lolita服飾外出，但呢個愛好嚴重阻礙佢嘅愛情發展，令佢擔憂無法出嫁！

Photo from 青木美沙子 IG (@misakoaoki)

日本綜藝節目《ノブナカなんなん? 》為咗更了解蘿莉塔生活，採訪咗38歲嘅蘿莉塔協會會長青木美沙子。

Photo from ノブナカなんなん? 截圖

青木與父母同住，家中收藏超過500套蘿莉塔裙子及50對娃娃鞋。佢透露購買此類服飾非常燒錢，花費超過1500萬日圓（約港幣105萬）。

Photo from ノブナカなんなん? 截圖

Photo from ノブナカなんなん? 截圖

由於正職工作薪金大部分都用嚟買衫，所以人到中年都好少積蓄。

Photo from 青木美沙子 IG (@misakoaoki)

青木由17歲開始愛上蘿莉塔文化，至今20年仍風雨不改地每天穿著蘿莉塔裝。而且，由於蘿莉塔服飾不能放進洗衣機清洗，所以青木每日上班前都會親自手洗，甚至用腳幫手洗衫。

Photo from ノブナカなんなん? 截圖

雖然青木喺日本Lolita界享有盛名，但亦因為呢種興趣令佢多年嚟一直單身。

Photo from ノブナカなんなん? 截圖

38歲嘅青木本來打算喺40歲前結婚，經節目組鼓勵下，佢開始用通訊軟件Zoom結交異性，可惜無一開花結果。

Photo from ノブナカなんなん? 截圖

大半年後，節目組再次採訪青木，發現佢終於有男朋友！該名男子係比青木年輕6年嘅年下男，雙方早喺數年前認識，男方一直暗戀對方卻未有表白，直至上次節目播出後，終於向青木表白，並展開關係。

Photo from ノブナカなんなん? 截圖

被問到青木邊方面吸引到自己，男子表示，青木無論外表、性格或動作都好可愛，而且善良溫柔。

Photo from ノブナカなんなん? 截圖

男子又稱佢唔介意青木每日著蘿莉塔裝外出，認為咁樣好有個性。睇嚟，青木有望實現40歲前結婚願望！

Photo from ノブナカなんなん? 截圖

另外，好多人對青木嘅正職都非常好奇。於是，節目組跟隨佢外出上班。

Photo from ノブナカなんなん? 截圖

一大朝早，青木踏單車返工，到達地點後，佢表示要換衫，然後換成一身白衣裝。

Photo from ノブナカなんなん? 截圖

原來，青木正職係一名護士！佢擁有國家考核資格認證，已擁有17年悉心照顧病人經驗，難怪佢男友被佢嘅溫柔體貼吸引到！

Photo from ノブナカなんなん? 截圖

Photo from ノブナカなんなん? 截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）