盤點黎明50大經典金句合集！句句實用有哲學！「金句王」開騷再拋新金句！
時隔10年，天王黎明再次登上紅館開騷，於7月12日至18日舉行6場《Leon黎明Talk & Sing 2021紅館演唱會》，全場票價更統一為880元！黎明向來有「金句王」的稱號，經常用一句話就技驚四座！因此，除了金曲，大家當然最期待就是「金句王」今次會有咩新金句！以下就先帶大家再次重溫黎明的經典金句，大家最記得邊句？又最鍾意邊句？
Photo from 香港影視娛樂博覽截圖
Leon大拋新金句
擔任首場演唱會嘉賓的Jan林海峰，就在社交平台分享演出前兩周與黎明的真實對話，短短幾句説話就拋出兩個金句「Up to you」、「綵排綵排都不及天意安排」！Jan亦在演唱會上活用Leon的新金句，兩人妙語連珠，令台下觀衆捧腹大笑~
J：多謝你邀請我做嘉賓，但係金句王面前我真係唔知噏咩喎？
L：唏jan⋯噏咩，Up to you la 。
J：咁⋯（硬食）好啦，到綵排時我再大概話你聽噏咩啦。
L：唏⋯jan，綵排綵排都不及天意安排啦。
J：（完）
Photo from 林海峰IG
回顧「金句王」經典語錄合集
1.「我朝早唔會空肚食早餐!」
2.「核心嘅外圍係核心嘅內圍。」
3.「每個人都有坎坷時候，最緊要坎坷過後有艇搭。」
4. 「只有一個方法，就係唔好去諗有咩方法，繼續做，你做到之後就會知道係用咗咩方法！要Convince（信服）到觀眾，一定要令觀眾唔覺得你喺度Convince緊佢。」
5. 「勇氣呢，就係做一啲平時唔習慣做嘅嘢，但一定要挑戰，挑戰產生樂趣。」
6.「明人不做暗事，暗處有狗咬腳。」
7.「有無機會拍拖同見鬼一樣，都係要講緣分嘅。」
8.「衞蘭肥過部電單車。」
9.「原則會取締默契，默契會產生更多議題。」
10. 「借錢如送禮，還錢如乞米！」
11. 「左手又係肉，手背又係肉。」
12. 「當一個藝人覺得自己好有魅力的時候，其實佢已經喪失魅力！」
13. 「同時間競賽，會輸雙倍時間，同時間拍拖，會無輸無贏，真正的贏，是我們都忘記了時間！」
14.「我喺英國讀書時，試過有同學畀支大麻我，我唔要，因為啲錢係爸爸供我讀書嘅，我覺得就算真係要食嘅話，都等將來賺到錢先買。」
Photo from 節目《非凡搭檔》
15. 「當你有一輛保時捷的時候，千萬不要去想自己失去它的日子，因為當你真得失去它的時候，一定有另一個辦法讓你可以生存下去。」
16. 「當華仔同你講我愛你，你會好開心，當佢唔記得講我愛你，你會好傷心，但記得飲一杯《忘情水》。」
17. 「不少人抽到好簽，四肢健全，智力正常，但應該關懷不幸抽到下下簽的人。」
18. 「戀愛就好似打遊戲機咁，每個人都會過關，打爆機，明白個遊戲點玩，但係到你爆機時，你已經魂歸天國。」
19. 「計不到的，就用猜的，猜一猜最壞有多壞，如果最壞也不是太壞的話，GO。 」
20. 「其實我沒有說捧不捧衛蘭，只是我知道我愈捧，人家就會愈是打壓你。大家不要忘記愛因斯坦的《相對論》：要自然才會有流暢的結局。」
21.「每個人都應該珍惜機會，如果唔係，就會《絕對空虛》！」
22. 「如果你遇到結婚，你就接受結婚；你遇唔到結婚，就等待結婚。你面對結婚，又要面對離開，你只能夠接受，唔好怪任何人，因為呢個係你注定要經歷嘅嘢，所以我真係唔知之後會點，千祈唔好將你嘅責任放喺我度。」
23. 「愛情似香檳，開始時有好多氣，飲後會high，可是香檳氣太多，不宜多飲。」
24. 「祝大家今晚開心，有一個開心晚上，將一個回憶放喺database入面。」
25. 「男人的魅力來自工作，男人一旦退休離開工作，就是已經喪失魅力。」
26. 「我覺得玩風帆同做人一樣，要能屈能伸；同娛樂圈的事業一樣，有起有跌！」
27. 「希望各界支持Leon的朋友選擇自己願意意做的善事，不好勉強自己，如果認為不值得，就證明你同它有緣無份，就不需要做，因為我們沒有欠下任何人，我們只希望能夠做點好事，幫助有需要的人！」
28. 「我豁達，所以我不介意別人說我不豁達！ 」
29. 「講嘢唔使開口。」「喺個騷成日話多謝啲工作人員，其實係唔啱㗎，佢哋有出糧㗎嘛！應該講辛苦晒，對觀眾先講多謝。」「政府部門成日話嚴肅處理，其實咁講又係錯㗎，嚴肅係表情，唔係態度。」
30. 「一時又話我金句王，一時又話黎先知，唔知答邊樣好。」「今日用先知取代金句。」
Photo from 黎明Facebook
31. 「每個人的生活方式不同，好似在一個武林一樣。有捕頭緝拿壞人歸案，亦有捕頭與壞人同流合污。」
32.「我跳咗線，但我冇離題。」
33.「結了就婚（分），注了就冊（拆），喝了就酒（走）。」
34. 「飲酒要有酒品，影相要有相品。」
35. 「左手打右手，右手唔痛咩。」
36. 「我畀錢傭人去泰國住一星期學煮咖喱雞同春卷，依家煮到九成似，一模九樣。」
37. 「如果記者提問題沒禮貌，藝人就沒禮貌回答，記者想出位，藝人不應該縱容。 」
38. 「我一出世便準備做好地球人。」
39. 「我摣住嘅宗旨係『做好自己唔好理人』，地球唔會因為我而冇咗地心吸力升咗我上天嘅。」
40. 「我一定要捍衞我嘅貞操。」
41.「得到歌迷的支持我很高興，但我沒有必要去刻意討好他們。」
42.「生存在世，最幸福的是可以尋求到解決難題的方法；最遺憾的是用盡了方法都解決不了問題，所以我每天生活在幸福與遺憾中！ 」
43.「所有的『美德』都可以偽裝，只有修養是內在的。」
44.「做人做事，踏實好過疊水。」
45.「無論邊一個行業，都好似一個遊樂場，入場嘅人都喺度玩緊唔同遊戲規則嘅遊戲，而且各場各有自己嘅遊戲規則，大家必須要遵守才有得玩下去。」
46.「你們不要當我們是老虎，我們是人類，可以握手做朋友的。」
47.「支持和被踩只有一線之差，但是我就算被踩，也要做只堅強的螞蟻。」
48.「信心應該放在自己心裏，不應經常掛在口邊。」
49.「世界上最聰明的方法不是聰明人想出來的，而是笨蛋想出來的，最笨的辦法往往最有效。」
50.「怨言會減低人的意志力，影響生活的態度。」
Photo from 節目《非凡搭檔》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
