瑞士網紅花21萬整容後桃花運更差?! 單身長達7年 「因為太靚令大家唔敢追」

而家唔少人都會因為唔滿意自己嘅外表，而決定選擇整容。最近，有位來自瑞士網紅嘅網紅Celine Centino就自爆用咗大約2萬英鎊（約港幣21.5萬）全身整容！然而，變靚咗並冇令佢嘅桃花運變好，至今佢已經單身咗7年。

Photo from Celine Centino IG

現時唔少人都會利用醫學美容去改善自己唔滿意嘅部位，亦有人會不惜一切用巨款改頭換面，開始新生活。日前，有位來自瑞士嘅網紅Celine Centino就表示自己用咗約2萬英鎊（約港幣21.5萬）進行全身整容。

Photo from Celine Centino IG

現年26歲嘅Celine Centino因為魔鬼身材，吸引唔少網民關注，IG追蹤人數高達52萬位粉絲，算得上係一位頗有名氣嘅網紅。佢話自己喺讀書時期，曾經因為外表而被同學嘲笑，導致佢非常唔滿意自己嘅樣貌，下定決心儲錢去整容。至今，佢已經進行咗3次嘅隆胸手術，並且每隔幾個月都會搵醫生為佢補充面部嘅填充物。

Photo from Celine Centino IG

Celine 亦提到媽媽認為佢根本唔需要整容，擔心手術會令女兒有風險，但眼見女兒十分堅持只好支持佢嘅決定。幸好，Celine對自己整容後嘅身材同樣貌都非常滿意，認為整容令佢嘅身邊多咗好多朋友。

Photo from Celine Centino IG

然而，整容並冇令Celine嘅桃花運變好！佢話自己已經單身咗足足7年，雖然同朋友出街嘅時候，經常都會有唔少男生對佢投射出「有興趣」嘅目光，不過並冇男生主動上前搭訕。就算真係同男生出去約會，男生們都會顯得十分緊張，認為佢「氣場太強，不過交談後就會感覺到佢嘅友善」，令佢不禁感嘆旁人都因為佢樣貌太靚而唔敢接近佢！

Photo from Celine Centino IG

Celine嘅擇偶條件其實並唔高，比較看重性格，對外表同髮型上都冇咩特別要求，只要個性幽默同身高比佢高就可以！

Photo from Celine Centino IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）