方力申澄清從未打算與Stephy 復合！ 介意對方IG冇follow自己 網民：終於明白點解叫「小方」！

自從鄧麗欣（Stephy）同台灣男星王子（邱勝翔）宣佈分手之後，有唔少網民都將焦點放喺方力申身上，希望兩人可以復合！最近，方力申喺出席活動時就回應「冇諗過追返佢」，但唔排除以後再有合作機會！

Photo from 方力申IG

鄧麗欣（Stephy)同台灣男星王子（邱勝翔）一直都愛得高調，兩人不時會喺IG上隔空傳情。但兩人上個月尾於IG宣佈分手，結束逾三年嘅姐弟戀，令唔少網民感到震驚！

Photo from 鄧麗欣IG

Photo from 鄧麗欣IG

自從Stephy回復單身之後，唔少網民都認為方力申同Stephy應該復合，再續情緣。有網民甚至喺IG發起「鄧麗欣方力申復合協會」，不過睇返佢嘅post，就知道發起人應該一直都好鍾意方力申同Stephy呢對螢幕情侶，因為佢早於2020年就已經開設咗呢個IG帳號！

Photo from 方力申IG

Photo from IG@steplovedalex

由於網民們嘅反應太過熱烈，導致方力申喺出席活動嘅時候，經常都被問到會否同Stephy復合一事，而佢一直都拒絕回應。日前，佢喺出席公開活動嘅時候，佢就首次正面回應話「冇諗過追返佢」，但就唔排除以後再有合作機會。佢亦表示自己係Stephy粉絲，仲話「我有Follow佢，不過佢冇。」

Photo from 方力申IG

Photo from 鄧麗欣IG

但都有部份網民並唔支持佢哋兩人復合，認為方力申嘅回應唔夠大方得體，有網民仲留言「唔好再擺Stephy上枱」、「又消費人哋」等。

Photo from 鄧麗欣IG

方力申同Stephy一齊合作拍攝咗多部愛情電影，包括有《獨家試愛》、《我的最愛》等，螢幕情侶形象深入民心。再加上，兩人都喺同一個公司，所以兩人亦有多首合作歌曲，情侶形象深入民心，即使佢哋冇公開戀情，都已經被大家認定係一對！

Photo from 《我的最愛》

Photo from 《蜜月到訪》

兩人後來公開戀情，拍拖將近十年，仲不時傳出婚訊，當時唔少網民都非常睇好佢哋。可惜，兩人於2016年3月對外宣佈十年情斷，分手消息一出就非常轟動，唔少網民仲表示「以後唔再相信愛情喇！」

Photo from 鄧麗欣IG

Photo from 方力申IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）