2021暑假必睇8部電影名單密室逃殺/幻險森林奇航3大必睇看點！

電視電影

By Stephanie on 16 Jul 2021

Digital Content Writer

暑假又就嚟到喇！有唔少電影大作都即將上映，其中電影嘅類型包羅萬有，相信大家一定可以選擇到啱睇嘅電影啊～而家即刻嚟睇暑假嘅必睇電影名單啦！

Photo from Jungle Cruise Trailer

《密室逃殺︰倖存者遊戲》

Escape Room: Tournament of Champions Twitter

上映日期：15/7

《密室逃殺︰倖存者遊戲》劇情非常燒腦，而今集就比上一集更加刺激，密室嘅難關將會全面升級，一不小心分分鐘可能連命都冇埋！而家就等我哋一齊睇下密室嘅特別機關啦！主角們會搭上一架失控嘅紐約地鐵列車，並且開始地獄般嘅密室遊戲，期間佢哋需要一邊解題一邊避開高電壓嘅金屬物品，難度超高！

Photo from 《密室逃殺: 倖存者遊戲》

其中一個最特別嘅場景就係沙漠嘅難關，主角們需要於限定時間內逃出沙漠，否則好有可能會被20噸嘅沙慢慢吞噬！而「紐約街頭」嘅難題其實係給予主角們假希望嘅密室，主角們要喺街道上尋找辦法去停止降下嘅腐蝕性酸雨。如果難關未能逐漸解開，落酸雨嘅間隔時間就會越來越短，令佢哋迎接住死亡嘅威脅！

Photo from 《密室逃殺: 倖存者遊戲》

電影團隊就解釋佢哋選擇紐約街頭為密室嘅背景，係為咗營造真實感，認為密室逃脫唔應該只係侷限於係某一個房間，而係任何地方都可以，諗法非常創新！鍾意解謎嘅大家就一定唔可以錯過呢部電影喇～

Photo from 《密室逃殺: 倖存者遊戲》

《幻險森林奇航》（Jungle Cruise）

Photo from Jungle Cruise Twitter

上映日期：29/7

呢部電影係依據迪士尼樂園出名嘅遊樂設施「森林河流之旅」所改編嘅，非常特別！故事內容背景將會圍繞住1990年代嘅亞馬遜河為主，亦會到訪亞洲、非洲和南美洲幾條主要河流。途中，主角們就將會遇到一連串嘅驚險經歷，帶大家一齊穿梭唔同嘅河流去探險～其中電影將會由「The Rock」Dwayne Johnson同影后Emily Blunt主演，非常有睇頭！

Photo from 迪士尼影業YouTube

再加上，迪士尼一向都好願意花錢喺電影製作上。早前，迪士尼就釋出《幻險森林奇航》嘅幕後花絮影片，彷如置身喺亞馬遜河嘅場景同埋華麗嘅特效，都成為電影嘅必睇看點！而電影中嘅探險船「綺拉號」，就非常用心地裝置唔同嘅機關設備，足足有15噸咁重，為咗環保而使用兩架80馬力嘅引擎，速度可達每小時13公里！

Photo from 迪士尼影業YouTube

由於電影係依據遊樂設施為主咁改編，裡面嘅背景同橋段都好細心咁將「森林河流之旅」嘅遊樂設施模擬返出嚟㗎！電影中，經常出現嘅船同大家喺迪士尼樂園所坐嘅外型相似，兩個都用木製成嘅船，而且座位範圍都有遮蓋，令大家可以更容易融入故事背景！

Photo from Disney Movies Hong Kong Youtube

電影預告中，就暴露咗主角們被一班住喺叢林嘅外族襲擊，而遊樂設施「森林河流之旅」都有被「食人族」突襲呢一幕㗎，唔知大家又記唔記得呢？！

Photo from Disney Movies Hong Kong Youtube

《義勇群英：蛇眼復仇戰》

Photo from 《義勇群英：蛇眼復仇戰》

上映日期：22/7

呢部電影係《義勇群英》系列嘅特技動作片，故事講述人氣角色蛇眼（Snake Eyes)嘅傳奇經歷，而佢又係如何同日本古老氏族「嵐影」結下不解之緣。電影嘅最大看點就係演員之間嘅連場激鬥，而且取景場地大部份都喺日本實地拍攝，令大家可以欣賞到日本嘅街景，更有實感！而今次亦係男主角Henry Golding首次挑戰拍攝動作戲，向大家展現嶄新嘅一面～