荷蘭建立全球首個「腦退化小鎮」！全鎮商店所有人由護理人員扮演

如果喺現實生活中有一個村落，入面店舖嘅員工都係由演員飾演，咁可能會係影視城，但喺荷蘭真係有咁嘅地方，呢個地方係專為「腦退化症」患者而設，務求打造一個「烏托邦」。

Photo from Twitter

荷蘭阿姆斯特丹有一個小鎮「Hogeweyk」，就咁睇係一個充滿北歐風情嘅小鎮，鎮上有噴泉、公園等休憩設施，亦有唔少商舖小店。

Photo from Twitter

呢個小鎮同普通城鎮無異，有超市、戲院、酒吧、餐廳、髮廊、商場，不過唔同嘅係，入面嘅員工全部都係護理人士，負責照顧鎮上嘅腦退化症患者。

Photo from Twitter

Photo from Hogeweyk

鎮上有23間房屋，並住咗152位居民。小鎮係為腦退化症患者打造嘅烏托邦，有別於一般嘅療養院，呢個小鎮容許患者自由出入鎮上嘅商舖，唔係普通醫院幾人一間房，由護理員照顧嘅模式。

Photo from Hogeweyk

Photo from Hogeweyk

打造小鎮嘅原因係因為腦退化患者發病或會出現情緒激動、語言障礙等問題，而多數家屬會選擇將病人送入療養院，但療養院封閉嘅環境令患者容易有情緒病，而小鎮令患者可以「走入社區」，畀佢哋過普通人嘅生活。

Photo from Twitter

由於小鎮嘅店員都係護理人員，所以患者平日要食藥、接受治療都可以由佢哋負責。

Photo from Twitter

雖然患者可以喺小鎮自由活動，但其實佢哋都有專人看護，成個鎮只有一個出入口，並有人24小時當值，確保唔會有人離開小鎮。

Photo from Hogeweyk

資料來源：Hogeweyk

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

荷蘭生物公司研發植物樽！有望2023年面世 可極速分解！

19 May 2020

環保議題近年越嚟越受關注，人類製造垃圾往往造成生態危機。

荷蘭生物化學公司Avantium計劃以植物作原料，研發出「植物樽」，取代以化石燃料為原料嘅膠樽。

Photo from Avantium

負責人表示，將粟米、小麥、甜菜中嘅糖分，分解成簡單化學結構，再結構重組製成植物樽。

初期計畫每年生產5000噸，但為免影響食物供應，所以會由生物廢料中提取有關糖分。

Photo from PressLogic

傳統塑膠極難自然分解，分解周期需400、500年。而「植物樽」喺堆肥環境下可於1年內分解；喺正常戶外環境中，則可於幾年內分解。

Photo from PressLogic

呢個「植物樽」計畫目前獲得可口可樂、啤酒製造商嘉士伯（Carlsberg）、同跨國食品公司「達能」（Danone）支持。最快有望2023年面世。

Photo from Carlsberg

資料來源：The Guardian

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）