陳展鵬傳年底約滿 加薪不果遭TVB懲罰 新劇男一變客串被馬國明代替 網民:做得大台預咗！

藝人陳展鵬主演嘅TVB劇集《逆天奇案》於上月播畢，收視理想。所以，有指陳展鵬已接連收到新劇安排，包括《童時愛上你》、《隱形戰隊》、《廉政狙撃》三劇。其事業看似如日沖天，不過，有傳陳展鵬合約今年底到期，並喺洽談續約事宜時因人工問題與TVB僵持。

Photo from 陳展鵬 FB

有報道指，雖然陳展鵬於大台發展多年終成為一線小生，但比起其他當紅男藝人，其年薪算少，約500萬。而馬國明及陳豪年薪則分別有傳達800萬及3000萬。

Photo from 陳豪 IG

有見及此，有指陳展鵬雖然有續約意向，但同時希望加人工，並加至與黎耀祥相約水平。雖然TVB一方都有意續約，但認為薪金加幅太大。而且疫情影響下，支出不宜過多，導致TVB不答應展鵬要求，令雙方陷入僵持狀態。

Photo from 黎耀祥 微博

Photo from 陳展鵬 FB

有消息更指，TVB為了「懲罰」展鵬，喺佢工作安排上作出了改動。除咗刪減佢喺《童時愛上你》嘅戲份，更將《隱形戰隊》嘅男一位置轉讓畀馬國明，展鵬則淪為客串。

Photo from 馬國明 IG

最終，有指陳展鵬為了養家而妥協，展露誠意與大台續約，為雙方保持良好合作關係。

Photo from 陳展鵬 FB

陳展鵬於2018年與女藝人單文柔結婚，並於次年誕下女兒Quinta，展鵬自此變成暖男爸爸，為一家生活打拼之餘亦不時於社交平台上載女兒日常照片。

Photo from 陳展鵬 FB

對於展鵬嘅續約傳聞，有網民認為佢值得更好，但亦有人指，TVB出手向來低，所以並不感意外，更認為佢嘅薪金水平已經不錯。

Photo from 陳展鵬 FB

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）