台女買樓後邀男友同居 但要對方交$4200租兼攤分水電 男友暴怒 網民：咁你買唔起呀嘛！

情侶同居可以好甜蜜，亦可以爆發「世界大戰」。台灣一名男子表示，女友獲家人資助買樓，然後邀請自己同居，豈料被要求平分水電費外，亦要按市價繳交月租1.5萬元台幣（約$4200港元）。此舉令男友不服，佢不忿要幫女友供樓之餘層樓「無佢名」，網民對此意見兩極。

Photo from 愛回家之開心速遞 TVB

近日，台灣一名男網民到網上論壇Dcard發文，稱女友最近得到父母支付首期300萬元台幣（約84萬港元），購入一個1500萬元（約417萬港元）單位。

Photo from 寶寶大過天 TVB

事主指，佢住處離上班地點較遠，車程要花1小時。女友買樓後便主動邀請佢搬入同居，同時為婚前適應對方生活習慣，男事主即時答應。

Photo from 香港愛情故事 TVB

未料，女友要求事主每月交租金：「她說那這邊平均租金要三萬（約8303港元）喔，我收你一半就好，一個月跟你收一萬五（約4200港元），水電也要分攤喔~」

Photo from 香港愛情故事 TVB

事主對此大為反感，佢雖然認為收水電合理，卻表示：「有人在跟男友收租金的嗎？而且還按照市價算的…我住不住她不是都要自己付房貸嗎？收這麼高的房租是怎樣？？」

Photo from Dcard

事主繼續大呻，假設佢答應，結婚後仲要繼續幫女友供樓，而物業上卻沒有自己名字。佢又以每月月租1.5萬元（約4200元港幣）計算，一年需付18萬元（約5萬港幣），30年就要540萬元（約150萬港幣），認為又貴又唔划算。

Photo from 香港愛情故事 TVB

Photo from Dcard

網民對此意見分歧，部分網民不認同事主，認為住得就要交租，唔想就唔好同居，而且，事主同女友在外合租房子一樣要畀租金予外人，質疑為何交租對象變成女友就咁反感。

Photo from Dcard 評論

Photo from Dcard 評論

Photo from Dcard 評論

但有另一批網民認為，事件中性別互換嘅話，男方一定被批評為小家、無氣量。

Photo from Dcard 評論

Photo from Dcard 評論

帖文引起熱議，事主其後再更新及回應一則批評，留言直斥佢自私，及對女友進行感情勒索，而且重點係事主無能力置業。事主表示，佢本來就唔想交租畀別人賺，包括女友，反問：「為何要特別給女友賺？」

Photo from FB 評論

Photo from Dcard

佢又反駁，性別調轉嘅話係咪都老奉畀女性免費住宿，更直指要靠別人幫手供樓嘅人係廢物，又稱自己只係「較晚出社會，就該被欺負嗎？」佢亦不滿女生買樓後，男生就要乖乖繳租。最後，佢擔心分手離婚後對錢銀物業嘅瓜分處理會好麻煩。

Photo from Dcard

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）