曾志偉讚炎明熹似梅艷芳 爆為學員八月開劇「最重要識感恩」網民：多fans就贏到？！

TVB歌唱選秀節目《聲夢傳奇》於昨晚舉行決賽，一班學員喺賽後同粉絲影大合照，而無綫副總經理曾志偉亦有現身，接受訪問表達對炎明熹奪冠感想，又爆出正為《聲夢》學員籌備一套青春劇集嘅消息。

Photo from 聲夢傳奇

《聲夢傳奇》決賽於昨晚（19日）完滿落幕，16歲炎明熹Gigi大熱奪冠，更成為三料冠軍，包辦全場總冠軍「傳奇新星」、「專業評選大獎」、及「觀眾熱選大獎」。雖然有網民不服賽果，指Gigi有走音情況，認為比賽只係「鬥多fans」，但仍有不少人恭喜佢。

Photo from 聲夢傳奇

Photo from IG 評論

有網民不解為何Gigi橫掃三獎後臉色愁苦，喺得獎感言中，Gigi提及到家人：「我想同姑丈同爹哋媽咪講，我得咗啦，同埋我一直冇諗過自己會攞獎，我係想返去探爹哋媽咪，爺爺嫲嫲，過埋呢個暑假，我想即刻返去探佢哋」，相信Gigi都係太掛念家人才「揦埋口面」 。

Photo from IG 評論

Photo from 聲夢傳奇

Photo from 聲夢傳奇

節目另一大熱姚焯菲Chantel最後不敵Gigi得亞軍。Chantel表示，佢喺最後一輪表演前已打定輸數，認為Gigi實在太勁，所以無諗過要贏佢，仲話自己一早已經知道佢係冠軍，所以同自己講「唔緊要，做好個表演就得」，但面對勁敵始終有壓力，所以佢認為自己最後失準。

Photo from 聲夢傳奇

Photo from 姚焯菲 IG

TVB於賽後安排所有《聲夢》參賽者同粉絲合照，冠軍Gigi一出場已有尖叫聲，由於人數眾多，由小朋友到主婦都有，所以要分四組合照。

Photo from TVB 娛樂新聞台FB

而亞軍Chantel支持者同樣眾多要分四組合影，其支持者「小菲象」更戴上象耳頭套。而網民票選第三嘅鍾柔美Yumi亦分了兩組粉絲進行合照。

Photo from TVB 娛樂新聞台FB

Photo from TVB 娛樂新聞台FB

TVB副總經理曾志偉繫喺賽後現身，指對炎明熹Gigi奪冠不感意外，但無諗過會囊括三大獎項。志偉對Gigi信心十足，大讚：「Gigi似足以前梅艷芳，表現淡定又吸收力強，最重要係識得感恩。」

Photo from 聲夢前傳 TVB

曾志偉同時透露《聲夢》學員之後嘅發展，佢大爆現正籌備一套以追夢作主題嘅劇集《青春的我》，參演者除咗包括《聲夢》十五位學員外，亦包括部分《盛舞者》參賽者，而部分《聲夢》導師都有可能亮相。

Photo from 盛舞者 TVB

志偉指望劇集於八月底開拍，現時已寫緊劇本，但佢會先畀學員們休息幾日再準備演唱會，完成演出後才展開拍攝。

Photo from 聲夢前傳 TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）