盤點18位藝人公開試成績！MIRROR成員係高材生/Viu TVB女星好讀得書？！
喺剛過去嘅DSE放榜，有人歡喜有人愁，即使考得不似預期亦無需太過傷心。明星都經歷過學生時期，佢哋考成點都無影響現時嘅娛樂圈發展，呢家就帶大家睇睇呢18位藝人嘅公開試成績啦！
#盧瀚霆 Anson Lo（MIRROR）
Photo from Anson Lo FB
Anson Lo中學畢業於保良局羅傑承（一九八三）中學，之後於DSE最佳五科考獲23分，中文5*、英文5，其餘科目均為4，之後入讀香港城市大學工商管理學（商業分析）學士課程，熱愛跳舞嘅教主畢業後曾擔任舞蹈員及舞蹈老師。
Photo from Anson Lo FB
#呂爵安 Edan（MIRROR）
Photo from Edan Lui FB
人氣高企嘅Edan畢業於可風中學（嗇色園主辦），並喺DSE最佳五科考獲25分。佢原本想報讀商科或社工，但老師認為IT業在未來較吃香，所以聽從建議後揀咗港大嘅工商管理學學士（資訊系統）。
Photo from Edan Lui FB
不過，佢直言自己揀錯科，更曾在大學考試中「肥佬」，所以佢自覺畢到業已係奇蹟。
#沈殷怡 Shirley
Photo from 沈殷怡 FB
ViuTV人氣女神沈殷怡係一名學霸，佢畢業於聖保羅男女中學，係首屆DSE考生，考獲4科5**，之後獲全額獎學金入讀上海復旦大學法律系，回港後報讀香港中文大學嘅法律系碩士。
Photo from 沈殷怡 FB
佢曾於律師樓當實習生，不過發現不適合自己後便加入ViuTV開展演藝生涯。
#馮盈盈 Crystal
Photo from 馮盈盈 FB
睇完Viu藝人，係時候輪到TVB，《後生仔傾吓偈》主持中有不少大學畢業生，眾所周知前主持麥明詩係會考十優狀元，而佢拍檔馮盈盈都唔錯，喺DSE最佳五科考獲28分，之後成為香港大學食品及營養學系學生，並以二級榮譽乙等成績畢業。
Photo from 馮盈盈 FB
#陸浩明 6號
Photo from 陸浩明 FB
同為《後生仔傾吓偈》主持嘅6號，於中學會考考獲16分，之後以三級榮譽畢業於香港城市大學嘅工業工程與工程管理學系。
Photo from 陸浩明 FB
#森美 Sammy
Photo from 森美 FB
DJ森美曾於聖士提反書院、喇沙書院及新亞書院就讀，於會考考獲25分，其後畢業於中文大學新聞及傳播學系畢業。森美曾於訪問勉勵學生，成績未如理想應把握機會學習面對逆境，尋找興趣建立自我。
Photo from 森美 FB
#阮小儀 Kitty
Photo from 阮小儀 FB
曾與森美合作無間嘅小儀中學畢業於嘉諾撒聖心書院，前立法會議員陳淑莊都係佢中學同學，小儀喺會考獲得14分，再升讀香港理工大學設計系。
Photo from 阮小儀 FB
#胡鴻鈞 Hubert
Photo from 胡鴻鈞 FB
胡鴻鈞大部分中學時期就讀拔萃男書院，中五後入讀恒生商學書院，會考成績22分。佢其後進入香港理工大學，主修工商管理科，及副修心理學。
Photo from 胡鴻鈞 FB
#吳業坤 James
Photo from 吳業坤 FB
與胡鴻鈞同樣出身自《超級巨聲2》嘅坤哥，曾自爆當年會考得11分，仲「肥」咗中文科：「作文拎U，照升上中六後，就用咗一年補習作文，再考嘅成績中文拎到C，作文係5星！」
Photo from 吳業坤 FB
#許廷鏗 Alfred
Photo from 許廷鏗 FB
同為「巨聲幫」嘅Alfred，於會考獲得21分，其後報讀香港大學牙醫學士課程，成功取得牙醫執照，所以有「牙醫歌手」外號。
Photo from 許廷鏗 FB
#胡杏兒 Myolie
Photo from 胡杏兒 FB
胡杏兒中學時期曾到北愛爾蘭留學，之後返港完成會考，獲取22分好成績，之後獲香港科技大學取錄，攻讀生物化學系。佢Year 1時停學參選香港小姐，最終以19歲之齡獲得季軍。
Photo from 胡杏兒 FB
#高海寧 Samantha
Photo from 高海寧 FB
近期喺內地人氣高企嘅高海寧，13歲時移民到港，佢本來預計自己會考有14分以上，最後超出預期獲取22分。佢08年獲父母鼓勵參選香港小姐，最後進入決賽並獲得旅遊大使獎。
Photo from 高海寧 FB
#何依婷 Regina
Photo from 何依婷 FB
17年港姐亞軍何依婷係首屆DSE考生，於最佳五科考獲27分佳績，其後入讀香港城市大學商學院嘅資訊系統學系（環球商業系統管理）、副修心理學。成績優異嘅佢曾獲獎學金資助赴美國史丹福大學、英國列斯大學及中國上海復旦大學作交換生。
Photo from 何依婷 FB
#陳曉華 Hera
Photo from 陳曉華 FB
18年港姐冠軍陳曉華中學就讀真光女書院，DSE最佳五科考獲27分好成績，之後入讀香港中文大學護理系，佢早喺大學時期已展開模特兒工作。
Photo from 陳曉華 FB
#汪明荃 Liza
Photo from 汪明荃 FB
睇完一眾娛樂圈小生花旦，係時候睇下大前輩嘅成績！曾任全國政協委員嘅阿姐，於會考取得6分。佢熱愛表演，所以中學畢業後便應考麗的映聲第一期藝員訓練班，從超過一千名報名者中突圍而出，獲得第一名，從此展開演藝事業。
Photo from 汪明荃 FB
#劉德華 Andy
Photo from 劉德華 粉絲群FB
劉德華曾就讀可立中學，於會考獲得11分，中六後報讀TVB嘅藝員訓練班，畢業後正式加入娛樂圈。
Photo from 劉德華 粉絲群FB
#黃子華 Dayo
Photo from 黃子華 Dayo Wong 棟篤笑 - 官方頻道
子華神曾就讀多間英文中小學，並於會考獲得12分，其後入讀加拿大阿爾伯塔大學並取得哲學學士。
#E-kids （阮民安 Tommy、林詠倫 Alan、郁禮賢 Tim）
Photo from E-kids 終止戀愛 MV
千禧年經典組合E-kids向來有「成員會考分數合共不多於5分」嘅都市傳說，不過，Tommy於數年前就喺電視節目中澄清，成績確實不多於5分，但實情係更低，只有1分，而嗰1分就係嚟自Tommy嘅數學科，其他成員根本無出席考試。
Photo from 阮民安 FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
