妹妹畢業想繼續升學 姐姐斥逃避現實 怪由細寵慣致忘本 網民：你驚少個人供養父母?

畢業生前途問題一向複雜，因為連家人都會受到影響。最近，一名港女上網大呻，指其妹妹因不清楚工作意向，所以想大學畢業後繼續升學。港女不滿妹妹唔為父母著想，而家人亦無法支付其學費。

Photo from 愛回家之開心速遞

近日，一名女網民於香港討論區發文，指其妹妹係心理學系學生，即將畢業。妹妹被爸爸問畢業後嘅搵工計劃時，表示自己打算繼續升學。

Photo from 愛回家之開心速遞

此時已引起女事主不滿，佢認為妹妹只係想逃避現實，「唔通為咗唔想搵工而成世都讀書咩」，坦言妹妹需要考慮供養年邁父母嘅問題。

Photo from 愛回家之開心速遞

而爸爸都不同意妹妹意向，建議佢就算要繼續讀書，都應選擇半工讀形式進行。妹妹隨即反駁，更與爸爸「炒大鑊」。

Photo from 香港愛情故事

事主向妹妹表明家裡無法負擔佢往後學費，妹妹回應指，佢並非想逃避搵工，而係佢畢業後唔知可以搵咩做才決定繼續升學。事主則認為此舉任性，係為自己不願就業而編織嘅藉口。

Photo from 愛回家之開心速遞

事主遂透露，屋企「由細到大寵慣左佢」，當初大學揀科目時亦無同家人商量就「去馬」，佢認為咁樣導致妹妹長大後都唔會為屋企著想。

Photo from 香港討論區

對此，有網民認為事主可放遠目光，指繼續升學有利就業，讀研究學位亦可以有糧出。亦有人指，做到心理學家嘅人工會好高，但難度極高，否則要另再進修考牌轉做社工。

Photo from 香港討論區 評論

Photo from 香港討論區 評論

有網民建議事主屋企只提供住宿及三餐，其他學費及日常開支讓妹妹自行支付。對此，事主認為妹妹應該交埋水電煤才合理。亦有人質疑事主是否著眼於供養問題，認為事主可能最擔憂無人一起同佢供養父母，所以想妹妹盡快就業。

Photo from 香港討論區 評論

亦有其他網民認為事主應認真說服妹妹半工讀，讀書同時可以累積工作經驗兼賺取外快，咁樣對佢及家人都最理想。

Photo from 香港討論區 評論

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）