新人辦婚宴前夕用問卷詢問禮物價錢 按照價值分配餐點 網民：好寒酸！

唔少人都視結婚為人生大事，但禮金就成日都會成為網民嘅熱話之一！近日，有外國網民就上載咗一張餐點紙，上面就列明俾幾多禮金就會有唔同嘅餐飲款待，令唔少網民都認為呢對信任非常唔尊重來賓，亦都好自私！

Photo from TVB

一對新人辦婚宴，無非都係希望可以同身邊嘅家人好友分享結婚嘅喜悅！然而，有啲新人就會利用收取禮金，去回本或者乘機好好賺一筆錢。日前，有外國網民就喺討論區上載咗一張婚宴禮物問卷，引起網民們嘅熱議。

Photo from TVB

據悉，呢張婚宴禮物問卷係參加婚宴前發放，問題包括「婚宴送嘅禮物價值多少？」等。問卷裡面仲提及將會根據大家禮物嘅價值，而預備唔同嘅婚宴餐點，並且叫來賓先自行圈起自己想食嘅餐點。

Photo from Reddit

而婚宴禮物價值就大致上分為4個級數，禮物嘅價值越高就會有更多嘅選項：0至250美元嘅就只可以享用烤雞及劍旗魚；251至500美元就可以選牛扒及三文魚；501至1,000美元就有菲力牛柳同龍蝦；而1,000至2,500美元就將會有2磅龍蝦及香檳酒杯作禮物！

Photo from TVB

下面仲標明如果你係素食者猶太教者，需要特別嘅食物指引，送嘅禮物就必須到最高嘅級別，並且規定賓客們要喺指定日期前將問卷回覆。呢對新人真係非常「有心思」！

Photo from TVB

呢個post引起網民嘅熱烈討論，大部份網民都認為呢對新人嘅做法太過市儈，非常唔尊重來臨嘅來賓；亦有網民認為咁樣會令到時候嘅賓客非常尷尬，因為從佢哋嘅餐點就可以知道佢哋送嘅禮物大約值幾多。

Photo from Reddit

Photo from Reddit

另外，有網民就指出呢對新人專登列名素食者同猶太教嘅客人必須送最高價值嘅禮物，係歧視嘅行為，令網民非常不滿。不過，該網民就澄清呢個問卷只係邀請函上面嘅一個笑話，並非屬實，然而網民依然認為呢種有歧視意味嘅玩笑唔太好！

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）