東京奧運會於上星期正式開幕，大家留意精彩賽事之餘，亦都將焦點放咗喺一班擁有高顏值嘅運動員身上。而過往亦都出現過唔少運動員同明星撞樣嘅例子，而家就等我哋一齊睇下究竟似唔似樣啦～

Photo from 江旻憓IG

泰國舉重選手「羅志祥」

2016年里約奧運會舉重項目女子48公斤級別嘅比賽中，22歲泰國選手塔納桑以200公斤總成績勇奪金牌！不過，佢進行舉重比賽時嘅神情就被網民話極似台灣歌手羅志祥，當時就連羅志祥自己都覺得似樣啊！

Photo from 2016奧運

Photo from 微博

游泳選手「阿信」

中國泳隊成員戴駿就被指同台灣知名樂團五月天嘅主唱「阿信」非常似樣，兩人嘅五官相似，唔少網民都講笑話估唔到阿信有咁多才藝～

Photo from 微博

Photo from 阿信IG

台灣舉重選手「陳奕迅」

台灣舉重女選手林子琦喺2014年嘅亞運會上獲得舉重63公斤級項目嘅金牌，當時佢舉重嘅畫面就被網民話同陳奕迅十分似樣，再加上當時嘅佢蓬鬆嘅短頭髮，就咁睇真係幾似～

Photo from 亞運會

Photo from 微博

日本拳擊手彭于晏

來自日本嘅拳擊手小笠原瑛作並非今屆嘅奧運選手，不過佢亮眼嘅外表亦都成為咗網民嘅焦點之一。身材超好，樣貌出眾嘅佢被大家覺得同彭于晏非常相似，有網民仲話佢哋兩個嘅眼睛都好有魅力！

Photo from 小笠原瑛作IG

Photo from 彭于晏IG

約旦跆拳道女選手「LadyGaGa」

來自約旦現年26歲嘅跆拳道女選手Julyana Al-Sadeq就被指同美國知名歌手Lady GaGa撞樣，兩人嘅輪廓都非常深邃，眼睛大大，好似兩姐妹一樣！

Photo from Julyana Al-Sadeq IG

Photo from LadyGaGa IG

中國空手道選手「石原里美」

現年22歲嘅中國隊空手道選手龔莉，樣貌清純，被唔少內地網民封為「空手道女神」。而佢就被大家指同日本女星石原里美似樣，兩人都氣質出眾，吸粉無數～

Photo from 龔莉微博

Photo from 石原里美IG

中國羽毛球男子雙人組 「張學友+郭富城」

被網民稱為「風雲組合」嘅中國羽毛球選手蔡贇同傅海峰，兩人默契十足，並於2012年倫敦奧運會奪得男雙金牌！有網民就認為兩人嘅五官同郭富城、張學友十分相似，唔知大家又覺得似唔似呢？！

Photo from 微博

Photo from 微博

Photo from 郭富城微博

香港劍擊選手「林志玲」

港隊劍擊選手「重劍一姐」江旻憓擁有甜美嘅外表，令佢成功吸引一班粉絲支持佢。而唔少網民就認為佢嘅笑容同氣質都同台灣名模林志玲好似，相似程度就連台灣網民認證！

Photo from 江旻憓IG

Photo from 《康熙來了》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）