奚夢瑤錯手公開大仔正面樣貌！精靈樣激似何猷君 網民質疑影片違法？！

內地名模奚夢瑤於2019年為丈夫何猷君誕下大仔何廣燊，現時正陀著第二胎。奚夢瑤近日減少工作，轉到社交平台分享養胎日常。佢日前上載一家三口喺車上玩樂嘅新片，卻意外未有為大仔加工遮樣，令何家第5代男丁嘅正面樣貌曝光！

Photo from 奚夢瑤 IG

已故賭王何鴻燊四房兒子何猷君與太太奚夢瑤，喺2019年10月宣布誕下大仔何廣燊。兩年後，奚夢瑤再度陀B，雖然佢未有公布BB性別，但佢嘅粉絲都十分期待BB出世。

Photo from 奚夢瑤 IG

日前，奚夢瑤於IG分享與丈夫及大仔嘅日常影片，片中可見，一家三口坐在私家車裡玩樂，仔仔表現得精靈活潑，樣貌神態都被指和爸爸很相似。

Photo from 微博截圖

奚夢瑤分別上載了兩段影片，其中一段有加上太陽公仔掩蓋兒子半邊臉，不過，佢喺另一片中卻失手，未有為仔仔加工遮樣，令大仔相貌全面曝光。

Photo from 奚夢瑤 IG限時動態

Photo from 微博截圖

影片上載不久後已被刪除，不過相關片段已被網民截圖廣傳。雖然，奚夢瑤多次分享家庭照，不過佢每次都事先為仔仔遮樣。今次睇嚟佢忘記「加工」，手快快邊上傳了影片。

Photo from 奚夢瑤 微博

影片中，網民除咗留意何家第5代男丁樣貌，亦有另一點引起關注。有網民指，內地已於今年6月新修訂《未成年人保護法》，未成年人嘅父母或監護人應為小孩提供安全嘅坐車環境，包括設立兒童安全座椅。

Photo from 奚夢瑤 微博

片中可見，奚夢瑤仔仔行車時未有坐喺安全椅上，而係坐喺爸爸何猷君大腿上，有網民質疑有違法之嫌。

Photo from 微博截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）