吳亦凡被捉竟因媽媽「大義滅親」？！6件事寵壞兒子！狂出錢擺平事件

吳亦凡被都美竹爆「酒桌選妃」，更涉與未成年少女發生關係。北京公安更發佈吳亦凡被「刑拘」嘅消息。其實吳亦凡都唔係第一次陷入桃色風波，有指佢媽媽吳秀芹之前已幫佢出錢解決過唔少事。

現年30歲嘅吳亦凡喺內地有唔少粉絲，雖然佢多次被拍同內地網紅拖手、包場睇電影，但仍獲唔少fans力撐。

喺都美竹爆出事件時吳亦凡粉絲堅持支持偶像，指係一切由都美竹自編自導自演，直到北京公安發佈消息後，吳亦凡被內地全平台封禁，震驚內地娛樂圈。

其實喺都美竹發文前吳亦凡已經捲入過其他桃色事件，首先喺2013年就有練習生林西婭公開過同吳亦凡嘅親密照，被吳亦凡fans鬧爆。

之後到2016年又有網紅小G娜自爆係吳亦凡女朋友，仲post埋對話紀錄同錄音，指吳亦凡玩弄佢感情，但吳亦凡工作室發聲明否認佢哋係男女朋友關係，又指會追究法律責任。

吳亦凡私下男女關係混亂，有指同佢媽媽吳秀芹過分寵愛兒子有關。吳亦凡喺單親家庭長大，父母離異後佢改名跟媽媽姓，吳母將兒子送往加拿大讀書，一直忙於工作嘅吳母自覺對兒子有所虧欠。

據指吳亦凡喺韓國出道後嘅工作事務都由媽媽安排，佢與原經理人公司解約都係由媽媽出錢，喺中國成立個人工作室，所有經理人、助手、工作人員都要經吳母親自過目先聘請。

吳母更會參與吳亦凡嘅工作洽談，有報道稱2016年吳亦凡獲邀參加商演，吳母開天價250萬人民幣，對方預算不足想請佢哋降價，但吳母即一口拒絕：「沒有這個價錢，我們家亦凡哪都不去！」

即使畀得起天價酬勞吳母都未必會接，有內地品牌想邀請吳亦凡做代言人，但吳母亦拒絕：「我們家亦凡是International！」，又有指電視台為邀請吳亦凡上節目，已豪花8,000萬人民幣，但為免吳母生氣，再多花600萬人民幣專供吳母所用。

吳母縱容兒子行為，就算有網紅爆料都出錢擺平事件，喺都美竹發文後，吳亦凡工作室多次發聲明「澄清」，但都美竹公開嘅對話紀錄就揭露吳亦凡工作室曾想以錢解決，而吳母更以私人戶口分兩次轉賬50萬人民幣畀都美竹作「封口費」。

甚至今次吳亦凡被刑拘亦係因為吳母「大義滅親」！雖然都美竹喺微博以千字文怒轟吳亦凡，但其實並未有報警，實際上係吳母報警想告都美竹，點知公安一調查就牽扯出吳亦凡疑與未成年少女發生關係等9宗罪，令網民都表示「媽寶男活該！」

圖片來源：微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）