梁諾妍懷孕堅持跑8k被鬧爆「攞個肚嚟博」！本尊理性回應獲網民力撐

洪永城老婆梁諾妍一向都熱愛做運動，平時有跑步嘅習慣，雖然佢依家懷有身孕但都無停止夜跑，不過佢每日堅持跑步就被部分網友指太唔小心「攞個肚嚟博」，另一位準媽媽楊梓瑤都同樣因為懷孕期間做運動引發網民討論。

Photo from 梁諾妍IG

洪永城與同梁諾妍結婚時宣佈雙喜臨門，造人成功！夫婦兩人將升呢做爸爸、媽媽。

Photo from 梁諾妍IG

梁諾妍向來係運動健將，佢2016年報讀咗跑步證書課程，考取長跑、健身、高強度間歇訓練運動3個教練牌，又有6個亞洲運動及體適能專業學院證書，咁熱愛運動，即使成為準媽媽都仍然堅持日日跑步。

Photo from 梁諾妍IG

佢近日喺IG晒自拍打卡：「輕鬆8k」，點知就被網民質疑：「你唔係大肚嘅咩？咁對你個細路，攞個肚嚟博，一啲都唔錫佢」、「我都堅信你好好運不過最好吾好搏喇 可以有好多運動選擇啫」，力勸梁諾妍懷孕唔好跑步。

Photo from 梁諾妍IG

Photo from 梁諾妍IG

Photo from 梁諾妍IG

有自稱係做醫護嘅網友就表示：「跑步單車等劇烈運動會造成顛簸，產生強烈的震動」，可能會影響到bb，又指：「真係愛細路嘅媽媽絕對唔會咁任性」、「行步路都要好小心，個個醫生都唔主張咁做，攞個肚嚟博，跑少九個月會死咩」

Photo from 梁諾妍IG

Photo from 梁諾妍IG

Photo from 梁諾妍IG

但梁諾妍就回應：「醫生話未懷孕前已經有跑開步到懷孕後繼續跑步唔會影響胎兒，仲可以幫助到胎兒健康發展，你都可以research 多啲關於懷孕跑步資料」，睇嚟佢早就有問過醫生，有唔少網民力撐指最關心bb嘅一定係媽媽，相信佢係衡量過身體狀況先去做。

Photo from 梁諾妍IG

Photo from 梁諾妍IG

其實梁諾妍之前就有出過post分享懷孕後嘅跑步生活，佢表示懷孕頭2個月因為胎兒未穩定所以去行山，之後開始返跑步，每次慢跑6～8公里，一啲唔舒服都無，佢又透露：「醫生都好建議其實跑開步/做開運動的女仕懷孕後更應該要繼續做適量運動」，仲叫大家唔好因為有BB就做懶惰仔。而老公洪永城就搞笑留言：「小心呀小心呀，唔好跑咁快呀，慢啲慢啲，睇住呀」

Photo from 梁諾妍IG

孕婦做運動似乎令部分網友難以理解，除咗梁諾妍，前?模楊梓瑤都同樣被網民質疑。佢淡出娛樂圈後轉行做瑜珈導師，久未露面於幕前嘅佢原來已榮升做準媽媽！

Photo from 楊梓瑤IG

佢喺IG大晒各種做運動嘅相同片，楊梓瑤表示：「根據專業婦產科醫生表示，如果你運動開，其實完全可以繼續，絕對無問題。」，佢更公開自己腹大便便舉重嘅片段，令唔少網民大感驚訝。

Photo from 楊梓瑤IG

Photo from 楊梓瑤IG

懷孕17週嘅楊梓瑤舉起110磅啞鈴感覺都好輕鬆，佢指：「如果你可以保持肌肉彈性同記憶，根本唔駛晒錢去做紥肚」，不過佢同樣都面對外界嘅聲音，要寫千字文回應！

Photo from 楊梓瑤IG

楊梓瑤表示有好多人中意畀意見叫你唔好做乜、你應該做乜，佢直言：「其實你做唔到姐。。唔係我問題woo。。。」，佢指自己個肚大極都可能都舉得重過其他畀意見嘅人：「我係無可能成為你眼中既大肚婆得閒只係拉下筋」

Photo from 楊梓瑤IG

佢又極力建議女生培養做運動嘅習慣：「如果你一早將運動帶入你嘅生活之中，首先你嘅懷孕期一定舒服過唔做運動嘅人，而且你保持身體上面嘅靈活，心態上亦會靈活輕鬆好多」

Photo from 楊梓瑤IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）