港男呻母親講明婚後要同住！女友堅拒以分手相逼！港男求助網友意見竟一面倒

「婆媳關係」好多時都會影響家庭和諧，有網友喺討論區發文指佢夾喺媽媽同女朋友中間好辛苦，原因係佢母親與女友對於婚後同唔同住意見唔一致，為此佢問網友意見。

Photo from TVB

網友喺連登討論區開post「婚後同長輩同住係咪一定無好結果」，樓主指自己喺單親家庭長大，母親獨力湊大佢，兩母子嘅感情好好。

Photo from TVB

樓主表示媽媽一早講到明佢第時結咗婚之後都要同媽媽一齊住，可以換間大啲嘅屋，又話會幫兒子、新抱手湊小朋友。

Photo from TVB

Photo from TVB

雖然樓主媽媽有晒計劃，但樓主女友就唔係好想配合，樓主指女友好堅決拒絕同住，表示「相見好同住難」。

Photo from TVB

Photo from TVB

樓主為化解矛盾，向女朋友提議先住埋一齊半年先，但女朋友都係唔肯，最多可以住近啲，但仍然堅拒同住。樓主想再同女友商量但女友態度超強硬「直頭講到分手咁滯」，樓主唔想分手只好作罷。

Photo from TVB

樓主表示好苦惱，一方面唔想同女友分手，另一方又唔知點開口同媽媽講搬出去住：「佢應該都會喊晒口」，於是請教網友，佢開投票畀網友揀「狠心啲搬」或者「堅持同老母住」。

Photo from TVB

結果可以話係一面倒！超過3,600票揀「狠心啲搬」，選擇繼續同媽媽住嘅只有400票左右！

Photo from lihkg

大部分網友都認同唔應該一齊住，佢哋認為婆媳住埋同一間屋，如果真係有不和，樓主夾喺中間只會更難做。

Photo from TVB

Photo from lihkg

又有網民指樓主係時候要獨立，建議佢帶媽媽做下義工、識多啲朋友，母子二人都應該要有各自嘅生活，叫樓主唔好再做「裙腳仔」。

Photo from lihkg

至於應唔應該住近啲，網友就有唔同意見，有人認為可以住樓上樓下，但有人就表示住太近都唔好，如果樓主媽媽問佢攞鎖匙然後上樓主屋企執下屋都會被樓主女友嘈。

Photo from lihkg

Photo from lihkg

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）