大家心中嘅度假聖地~美國加州最靚沙灘Santa Monica！超想去啊！

一講到加洲，大家除咗會諗起陽光，另一個一定會喺沙灘SANTA MONICA，聖莫尼卡海灘！呢度陽光充沛，成日都藍天白雲，咁樣嘅天氣真係令人好想一躍入水中消消暑！（梗係啦～香港9月都仲係咁熱）

Photo from Instagram

好多人都去過嘅聖莫尼卡海灘，位於加州洛杉磯縣，由聖莫尼卡市管理。 聖莫尼卡海灘沿著太平洋海岸公路，有成兩英里長，有野餐區、商店、碼頭， 同埋救生員站，休閒餐館，健身活動設施，自行車道，同埋木質小徑～呢度每一年都吸引好多遊客嚟玩同曬太陽～小編都好慶幸自己都嚟過呀！！！

Photo from Instagram

聖塔莫尼卡係任何期待體驗「加州風味」嘅遊客所必須參觀之聖地～呢度任何一個角落都係relaxing corner～好正！

Photo from Instagram

大家可能都知，沙灘上有一座碼頭延伸到海入面，最吸引嘅係：碼頭上有一個遊樂場，園內有摩天輪、過山車等設施。真係大人小朋友嚟都會覺得好開心、好吸引。因為有得玩又有得食。

另外，由於擁有一個長長嘅沙灘同埋鄰近荷里活/好萊塢 (Hollywood) ，所以呢度都吸引咗唔少電影明星，名人，專業人士同滑浪愛好者喺度居住。

Photo from Instagram

加上長期嘅好天氣，令Santa Monica 早於 20世紀被發展成渡假及旅遊勝地。

Santa Monica 係以前 Route 66嘅終點站，當年 Route 66 灌穿美國中西岸，連接芝加哥，堪薩斯州，奧克拉荷馬州，亞利桑那州同新墨西哥州等。記得Route 66係打卡之地！

Photo from Instagram

依加咁嘅天氣，最適合我哋嚟度假啦～～仲可以睇埋靚靚嘅日落啊！

Photo from Instagram

Text：Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載