港男為女網友「課金」卻換來冷淡對待 反被網民嘲笑：係我都唔理你啦！

現今網絡發展非常發達，大家亦可以透過網絡結交新朋友。日前，有位港男就表示自己透過打機而認識咗一位女網友，仲好心咁幫佢喺遊戲裡面「課金」。不過，佢就覺得女網友愛理不理嘅態度，令佢非常失望！

Photo from TVB

隨住社交媒體變得越來越普及，相信大家都可能有試過喺網上認識新朋友嘅經驗～最近，有位港男喺討論區分享佢結交女網友嘅經驗，仲因此有感而發，覺得而家嘅女仔經常都洗男人錢，非常貪心？！

Photo from 連登討論區

港男表示幾個星期前就因為打機而認識咗女網友，大家都幾投契，所以就交換咗聯絡方式傾計。初時，兩人都相處得好好，一得閒就會一齊打機傾計，亦會交流遊戲心得。

Photo from 連登討論區

Photo from 連登討論區

後來，港男得知女網友因為失業所以冇得喺遊戲裡面「課金」，而對方又不時會同佢呻自己好慘「 遊戲裡面，又冇能力又唔齊角色」，所以佢就好大方咁「課金」咗$300俾呢位女網友！不過，佢就不滿對方經常都隔好耐先回覆，令佢覺得失望同生氣。

Photo from 連登討論區

Photo from 連登討論區

港男認為自己非常認真咁對待呢位新朋友，然而對方卻好似唔太在乎佢。再加上，女網友話過自己冇工作，暫時係一位「廢青」，認為對方而家咁得閒，唔應該咁遲先回覆佢，令佢覺得女網友係有意無回覆佢！

Photo from 連登討論區

Photo from TVB

港男就承認自己對女網友有好感，所以就決定要好好向對方指出佢哋之間嘅問題。但就換來女網友冷淡對待，令佢覺得對方一開始就扮friend，等到為佢付出咗金錢之後就露出真面目，所以港男就開始向對方追討$300嘅「課金」費用。可惜，女網友後來已經將佢Block咗，令佢更加生氣，忍唔住向大家分享「被騙」經驗！

Photo from 連登討論區

Photo from TVB

呢個post引起網民嘅熱議，大部份網民都覺得兩人嘅對話非常尷尬，而且港男太「 chur」嘅對話方式，令網民們都忍唔住爆笑！有部分網民就話「連$300都要追返，難怪搵唔到女朋友啦」，認為佢既然都自己幫人「課金」，就唔應該咁斤斤計較向對方追錢。

Photo from 連登討論區

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）