【東京奧運】日本20歲女拳手剛奪金就嗌退休 揚言不愛體育只愛青蛙 志願係返呢份工？！

日本20歲女拳手入江聖奈喺今屆東京奧運寫下歷史，成為當地首位贏得拳擊金牌嘅女選手。正當外界都認為佢前途無可限量，入江卻宣佈唔會參與下屆奧運，更有退休打算！

Photo from 入江聖奈 IG

今年嘅東京奧運係入江聖奈嘅首次奧運經驗，年僅20歲嘅佢喺女子57公斤級決賽中力壓菲律賓選手佩特西奧獲得金牌，但談到往後發展時，入江卻令大眾震驚。

Photo from 入江聖奈 Twitter

擁有過人拳擊天賦嘅入江，係日本體育科學大學Year 3學生，但佢竟然話：「我一啲都唔愛體育，我會喺畢業後退休，我會退出拳壇。」

Photo from 入江聖奈 Twitter

估唔到入江首次出征奧運便係佢嘅最後一次，佢並不嚮往運動員生涯。相反，佢指自己非常鐘意遊戲，並且希望將來到一家遊戲公司打工，又充滿熱情咁保證會努力去做。

Photo from 入江聖奈 IG

除咗突發嘅退休宣言令人吃驚外，入江嘅愛好亦好有驚喜。其實佢非常喜愛青蛙，佢表示：「若果退休後可以搵到一份同青蛙相關嘅工作會好正！」

Photo from 入江聖奈 IG

對入江嚟講，奧運奪金嘅唯一好處係令其Twitter粉絲暴增，咁就可以有更多粉絲幫佢搵青蛙。佢喺Twitter表示：「好感謝大家，我嘅粉絲數有增加。我完成奧運後便會去尋找青蛙，如果你哋可以話我知喺鳥取縣或東京某處嘅青蛙出沒地點（特別是蟾蜍），我將感激不盡。」

Photo from 入江聖奈 Twitter

對此，網民都認為入江奇葩，有網民認為其經歷好似漫畫情節：「漫畫情節又出現了。上下興趣班拎到奧運金牌，但真正興趣係玩蛙。」、「人哋當（拳擊）興趣班玩咋，好明顯唔care錢（奧運獎金）啦。

Photo from 連登評論

Photo from 連登評論

亦有網民發現入江嘅IG，「啲舊相全部都係普通日常照同埋青蛙，跟住無啦啦就有張攞奧運金牌嘅相」。另有人感驚歎，將入江形容為「毒L界運動員」。

Photo from 連登評論

Photo from 連登評論

Photo from 入江聖奈 IG

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）