七師傅作法幫林作緩和婆媳關係？！ 林作被打 網民大讚：師傅好嘢！
Photo from ViuTV
玄學家七仙羽（七師傅）憑節目《鬼同你上位》而人氣急升，再加上佢無厘頭嘅風格，成功吸引唔少觀眾！最近，ViuTV就即將播放全新綜藝節目《七救星》，主持人有七師傅、陳健安（Brian）及Kathy仔（王頌茵），並將於8月16號首播。
Photo from ViuTV
日前，ViuTV就釋出《七救星》嘅宣傳片，只見影片一開始，七師傅就以觀音菩薩造型現身，風格同「長輩圖」非常相似，仲寫住「只要打開電視，就會得到七師傅加持！」，令人爆笑～
Photo from ViuTV
Photo from 七仙羽IG
由宣傳片中所見，節目中邀請咗唔少嘉賓，包括有：杜如風、KB等，陣容鼎盛。其中，最引人注目嘅應該就係林作、裕美同林作媽咪呢一組嘉賓，似乎係想「作法」幫手緩和裕美同林作媽咪嘅僵硬關係！
Photo from ViuTV
Photo from ViuTV FB
只見七師傅大駕光臨林作屋企，仲攞咗加持過嘅「孔雀毛」令家庭關係變得和睦？！後來，佢哋連同林作媽咪同裕美一齊同枱食飯，而七師傅就話「希望佢哋可以坐埋一齊」，不過林作媽咪就長期都黑面，似乎唔係咁高興。
Photo from ViuTV
Photo from ViuTV FB
期間，裕美就大喊「其實我真係覺得好委屈囉」，並開始落淚；而林作媽咪亦好不滿咁話「睇下搵邊個請佢出去啦」，火藥味依然好勁，睇嚟連七師傅都幫唔到林作喇！
Photo from ViuTV
Photo from ViuTV FB
預告片後段，唔知點解七師傅竟然出手打林作！雖然七師傅打之前話「我係修行人，唔會打人㗎」，不過只見佢後來情緒非常高漲，仲「起飛腳」大顯身手，場面十分搞笑～而唔少網民都忍唔住大讚「師傅打得好！」
Photo from ViuTV
Photo from ViuTV FB
七師傅亦喺FB分享拍攝感受，表示林作媽咪當日並唔知道裕美會出現。本來想好好安排兩人坐低傾，可惜最終都係以吵架收場，令佢感到十分抱歉，仲強調林作屋企嘅事全部都係事實！而佢就解釋大家講講下就越來越嬲，所以就忍唔住發洩落林作度，點知搞到而家腰痠背痛需要貼膏藥！
Photo from 七師傅FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
七師傅講「譚仔話」零違和 口音+跳舞 變譚仔姐姐大放笑彈!
6 May , 2021
經常喺ViuTV嘅綜藝節目亮相嘅風水師七仙羽師傅（七師傅），人氣高企！最近，佢仲獲邀拍攝譚仔雲南米線嘅宣傳片，推廣母親節限定嘅蟲草花雞卷米線。影片中，佢仲化身為「譚仔姐姐」，非常好笑！
Photo from 譚仔雲南米線
風水師七仙羽師傅（七師傅）最近人氣好高，成日都獲邀上唔同嘅節目。近日，佢就憑住佢獨有嘅「口音」，成為咗譚仔雲南米線嘅宣傳片主角，推廣母親節限定推出嘅米線！
Photo from 譚仔雲南米線
Photo from 譚仔雲南米線
喺宣傳影片中，七師傅就同譚仔分店經理菊姐進行見工面試，仲用非常流利嘅「譚仔話」對答，非常搞笑！七師傅為咗成為「譚仔姐姐」仲背曬所有嘅米線湯底，大sell自己把口好甜，可以冧到唔少客人～
Photo from 譚仔雲南米線YouTube
Photo from 譚仔雲南米線YouTube
七師傅仲突然間跳舞，示範真正嘅聞「雞捲」起舞，化身為「譚仔姐姐」，向一對母女推銷新產品蟲草花雞卷米線！
Photo from 譚仔雲南米線YouTube
Photo from 譚仔雲南米線YouTube
七師傅表示非常享受今次嘅廣告拍攝過程，仲話相信係因為佢單純同善良嘅形象，所以先會獲邀做宣傳片主角。佢認為自己絕對係一個合格嘅「譚仔姐姐」，仲話能夠俾到歡樂大家係佢嘅榮幸，並且對於自己可以講得一口流利嘅「譚仔話」而自豪！
Photo from 譚仔雲南米線
Photo from 譚仔雲南米線
宣傳影片出咗之後，網民嘅反應都好熱烈！唔少網民都留言大讚七師傅真係好有「譚仔味」，仲話個廣告真係好好笑～
Photo from 譚仔雲南米線FB
Photo from 譚仔雲南米線FB
Text: HolidaySmart Editorial
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
