5大詭異發明！「失敗博物館」一系列收藏，高露潔出千層麵簡直係惡夢啊…

咩話！？高露潔都有出牛肉千層麵！原來仲有出過咖啡味嘅可樂？真係估佢唔到~

Photo from Instagram

俗語話:失敗為成功之母！每個人都會經歷過失敗嘅事，但係喺瑞典，有一位研究創新嘅學者一直對「失敗創意」非常之感興趣，造就咗呢一間「失敗博物館」。係外國好受歡迎嫁！

Photo from Instagram

失敗博物館館長偉斯特表示，佢並唔係要大家行入博物館時，笑佢陸陸續續收集而來嘅展品，佢反而將失敗博物館當做呢D展品嘅庇護所：「創新需要失敗。學習是使失敗轉為成功的唯一過程。」

Photo from Instagram

依加一齊睇下佢部分嘅收集品啦~~~

1. 高露潔牛肉千層麵

以專業牙齒護理形象深植消費者心中嘅高露潔，係1980年代推出咗牛肉千層麵，但諗唔到消費者完全無法接受牙膏品牌推出嘅食品，造成商品根本乏人問津──呢個故事話俾我哋知，凡事都應該有所專業。

Photo from Instagram

2.Coca-Cola BlaK

可能連可樂迷都唔知，可口可樂公司曾經有出過咖啡味嘅可樂，2006年推出，但短短2年時間，咖啡味可樂就係市場上消失，詭異嘅可樂搭配、仲有無法令人接受嘅口感，可口可樂之後就終止咗呢條產品線。

Photo from Instagram

3.電擊面膜

貪靚係女人嘅天性，但呢個美容產品有個好似歌劇魅影面具嘅恐怖外型，睇到都唔想用！佢嘅功能係利用一大堆電流刺激臉部，而且需要連續使用三個月後先可以睇到個效果。呢D完全冇醫學根據、又要忍受皮肉痛嘅產品根本就冇人想用。

Photo from Instagram

4.「獻給她」比克筆

筆都要分男女用？比克（Bic）公司做嘅呢項「貼心」設計，令到筆多咗好多繽紛色彩，想要打造出一種市場區隔。但諗唔到，咁樣反而令消費者覺得被分化，加深性別歧視嘅刻板印象。

Photo from Instagram

5、TwitterPeek

2008年推出，係一部專門為Twitter發文同閱讀嘅機器，諗落好似好得意咁~不過，每次螢幕上每條推文都凈係顯示22個字符，好難睇到一條完整嘅信息，真係「蠢」到會令人發脾氣。所以，當Iphone一推出~呢個產品就冇人想要啦~

Photo from Instagram

呢D產品，小編覺得係得意，但都好搞笑~如果你有興趣，有機會都可以去「失敗博物館」睇吓。