download HolidaySmart 假期日常 app
胡杏兒被揭微博限定帖文 IG用呢個詞激怒小粉紅：雙面人滾！

胡杏兒被揭微博限定帖文 IG用呢個詞激怒小粉紅：雙面人滾！

娛樂新聞
By Cheryl on 13 Aug 2021
Digital Editor

藝人胡杏兒早前於IG發長文為被嘲「軟飯王」嘅老公護航，豈料惹怒內地網民！事緣杏兒解釋老公比自己花更多時間湊仔時，用上「China」一字，就此遭內地小粉紅留言質疑港獨！

胡杏兒 微博Photo from 胡杏兒 微博

41歲胡杏兒與老公李乘德婚後有3子，離開TVB後北上發展，去年更於內地競演節目《演員請就位》奪冠，令佢喺內地人氣不俗。

李乘德 IGPhoto from 李乘德 IG

由於老公多留港照顧兒子，又常於IG上載家庭照，令部分網民留言直指李乘德食軟飯。

胡杏兒 IGPhoto from 胡杏兒 IG

日前，杏兒終於忍不住發英文長文為老公護航，當中有用「China」一字解釋自己近年常往內地工作（I have been working in China）。此舉引起部分內地網民不滿，認為佢應使用「Mainland」而非「China」，質疑佢有意將中國和香港分開，有「港獨」之嫌。

胡杏兒 IG留言截圖Photo from 胡杏兒 IG留言截圖

杏兒力挺老公嘅文章原獲不少支持，隨後卻引發大批內地網民到其IG留言惡評，佢哋亦要求杏兒發聲明致歉，又有人要求其代言品牌撤換代言人。

微博評論Photo from 微博評論

杏兒見勢色唔對，已立即將該篇IG帖文刪除。不過，網民並無就此罷休，不少內地人轉到杏兒微博批評佢：「港獨滾出去」、「雙面人，一次敗光了我對你以前的好感」、「想撈中國錢就要做到言行一致」。

微博評論Photo from 微博評論

微博評論Photo from 微博評論

微博評論Photo from 微博評論

同時，有內地網民翻查杏兒過去嘅IG及微博帖文，發現佢支持中國、祝賀國慶嘅Post都係「微博限定」，而IG卻找不到撐中國嘅相關帖文，因此加強其「雙面人」嫌疑。

微博評論Photo from 微博評論

胡杏兒 微博Photo from 胡杏兒 微博

奧運期間，佢亦未有上載支持內地運動員帖文，但有轉發內地媒體祝賀張家朗奪金嘅Post，並寫明：「張家朗為你歡呼為你驕傲！中國香港繼續加油！」

胡杏兒 微博Photo from 胡杏兒 微博

對此，不少香港網民都表示對事件感到不解，難以理解「China」一字如何包含港獨意味，「原來叫China 都係港獨呀？ 理解唔到」、「叫大陸又唔俾，叫China又唔俾」。

連登評論Photo from 連登評論

連登評論Photo from 連登評論

連登評論Photo from 連登評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

胡杏兒老公被嘲世紀軟飯王 夫妻反擊：「有幾間公司，可以隨時Hea」

10 Aug 2021

藝人胡杏兒與老公李乘德婚後有3子，之後杏兒仍經常到內地發展演藝事業，老公則經常喺IG上載湊仔相。喺最新一則帖文，有網民留言直斥李乘德係「世紀軟飯王」，獲夫妻兩人親自回應反擊。

胡杏兒 微博Photo from 胡杏兒 微博

胡杏兒與李乘德於2015年結婚，並育有3子，雖然杏兒常「兩地走」到內地掘金，但一家五口生活幸福。李乘德亦常於社交平台上載家庭玩樂照分享喜悅。

李乘德 IG Photo from 李乘德 IG

日前，李乘德於IG上載了一輯同兩個仔仔喺雨中散步嘅溫馨照片，卻惹嚟部分網民留言直指佢食軟飯：「你真係世紀軟飯王，犀利過袁偉豪。日日喺度湊仔玩樂，老婆就生仔前後都要喺大陸辛苦拍戲。陰功。慘過生仔機器，又要生又要為生活拼搏。你間酒吧去咗邊？」

李乘德 IG Photo from 李乘德 IG

袁偉豪躺著也中槍Photo from 李乘德 IG 評論

李乘德隨即回覆：「多謝關心。可能你唔知，本人用心做嘢做咗幾十年。現在有幾間公司，條隊唔算好大，得幾十人。但托賴，今年的生意唔錯，可以畀到少少時間我陪小朋友。家庭和小朋友係最重要。希望你都會明白，酒吧仍然喺度，多謝關心。得閒落去飲杯嘢。我請。祝你健康開心快樂。」

李乘德 IG Photo from 李乘德 IG

而胡杏兒亦親自以英文長文力撐老公，指低調嘅老公因自己才會公開IG向粉絲透露一家人近況，而且基於員工私隱，老公唔會公開其工作情況。

胡杏兒 微博Photo from 胡杏兒 微博

杏兒親自以長文回應酸民Photo from 李乘德 IG 評論

但杏兒向大家保證，老公早喺認識自己前努力工作，一早事業有成，所以現時佢大可以選擇減少工作。現時因自己常到內地工作，所以老公選擇負起同時兼顧事業及照顧兒子們嘅責任。

杏兒親自以長文回應酸民Photo from 李乘德 IG 評論

杏兒表示要感謝老公令自己可以繼續喺事業上打拼，李乘德亦以英文回覆：「嘩！多謝李太太，自從你同我一起後，英文進步了！」對此，不少網民都大讚夫婦二人EQ高。

胡杏兒 微博Photo from 胡杏兒 微博

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

微博胡杏兒娛樂新聞辱華