24歲美女巴士司機神似高中生 脫口罩露超甜美樣 狂吸45萬人次朝聖

搭巴士，遇到嘅司機大多數係男士。不過，台灣就有一名24歲美女當巴士車長。擁甜美長相、嬌小身型嘅佢輕鬆駕駛大車嘅模樣被拍上網，片段曝光後更吸引45萬人次觀看！

Photo from 抖音影片截圖

最近，台灣網絡瘋傳一段巴士車廂片段，片中，一名叫艾嫚妮嘅年輕女車長踏上巴士，佢戴著口罩坐上巴士司機座位後，熟練自如地操作收費系統。之後，佢開始轉動軚盤將巴士駛離車場。

Photo from 抖音影片截圖

Photo from 抖音影片截圖

Photo from 抖音影片截圖

鏡頭一轉，畫面似係顯示疫情未開始時畫面。片段中，艾嫚妮無戴口罩，穿著帶蝴蝶結嘅制服，露出甜美樣貌，加上瀏海及肩微捲髮型，令佢睇落同高中生無咩分別。

Photo from 抖音影片截圖

Photo from 抖音影片截圖

如此青春嘅小女生駕駛大巴士畫面充滿著違和感。影片曝光後，吸引約45萬人次觀看，不少網民都大讚司機好可愛，表示未見過後生女開巴士。又有人稱佢突然好想搭巴士，跪求艾嫚妮開車區域。

Photo from 抖音影片截圖

Photo from PTT評論

Photo from PTT評論

唔少人對女司機都存有偏見，認為女性駕車能力較低。不過，艾嫚妮就以實力證明自己能夠勝任工作。艾嫚妮曾於抖音上載一條自我介紹影片，佢指自己24歲，身高160cm，稱即使工作辛苦，都要笑著過每一天。

Photo from 抖音影片截圖

Photo from 抖音影片截圖

艾嫚妮透露，佢一程駕駛路線約兩小時，為咗儲錢會開埋上下班繁忙時間嘅「單班」。佢又指，「公車司機這份工作，沒有熱忱是待不下去的，加油吧」。對此，有網民表示：「能開公車，駕駛技術贏過好多人欸」，亦有人認為：「長相怎麼樣都好，不要亂甩尾就好」。

Photo from 抖音影片截圖

Photo from PTT評論

Photo from PTT評論

對於有網友詢問如何上廁所，佢回答，見到路邊有巴士停車格就可以停一停，通知乘客一聲再去便利店或油站如廁，大部分乘客都會諒解。

Photo from 抖音影片截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）