內地「連體夫妻」丈夫移情別戀女粉絲！　拋棄妻女 網民：沒有腿都可以劈腿？！

內地有一對殘疾人士夫妻，即使兩人生活困難但都非常甜蜜，令唔少網民都認為兩人嘅愛情故事令人動容，稱佢哋為「連體夫妻」。最近，有網民就表示於年初嘅時候，男方竟然出軌，並為小三拋棄妻子，令唔少網民震驚！

Photo from 微博

內地有一對網紅夫妻非常有名，原因係兩人都係殘疾人士：丈夫小波失去雙腿；妻子阿嬌就失去咗右臂。雖然兩人身體上都有缺陷 ，但阿嬌為咗可以同丈夫一齊出街，都會揹住竹籃等丈夫可以坐喺裡面，並且方便自己可以隨時照顧對方，亦因此大家都稱佢哋為「連體夫妻」。兩人經常形影不離，令唔少網民都直呼非常羨慕佢哋嘅感情！

Photo from 微博

據悉，兩人都係因為意外而導致殘疾，而佢哋就於殘疾人自助會中相識，兩人因為同病相憐，所以好快就墮入愛河，婚後育有一女。然而，因為丈夫小波行動不便，所以家中嘅大小事幾乎都全部由妻子阿嬌打理。

Photo from 微博

Photo from 微博

後來，兩人因為經濟狀況變得更加困難，所以丈夫就開始網上直播嘅工作，不過妻子就認為應該腳踏實地搵一份比較穩定嘅工作，導致兩夫妻經常有爭吵，漸行漸遠。而丈夫小波亦因為成日透過直播同粉絲傾計，而戀上女粉絲！

Photo from 微博

Photo from 微博

據悉，丈夫嘅新歡係一位年輕貌美，以及家庭背景富裕嘅大學生，佢仲形容呢段感情為「真愛」，並隨即拋棄結婚12年嘅妻子阿嬌同女兒，開始與新歡嘅同居生活！

Photo from 微博

Photo from 微博

妻子阿嬌得知後十分傷心，眼見丈夫已經移情別戀，就只能夠帶著女兒返鄉下重新開始，並且獨立撫養女兒。而阿嬌亦因為長期揹住老公，而導致有駝背問題，一到陰天或下雨天就會非常不舒服，令網民表示非常同情！

Photo from 微博

「連體夫妻」離婚嘅消息喺網絡上傳開之後，唔少網民都表示替妻子阿嬌感到可惜，為家庭付出咁多，卻換來被背叛嘅結局；而網民亦不禁揶揄小波嘅出軌行為，留言話「冇腿都可以出軌」、「果然男人係管唔住！」

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）