《七救星》七仙羽幫裕美林作媽破冰 終炒大鑊收場 飛踢林作除孽 林媽想七師傅做新抱？！

ViuTV新節目《七救星》日前首播，節目由人氣玄學家七仙羽（七師傅）擔任主持，為各嘉賓制定改運大法，幫助佢哋走出困境。佢首集就上林作家，試圖為林媽及裕美破冰，但結果令現場充滿火藥味，最終鬧交收場。

Photo from 《七救星》ViuTV

林作和藝人裕美自拍拖起便新聞多多，話題度最高之一就係林作媽同裕美之間嘅「婆媳關係」。林媽媽王莉妮一直不滿裕美出身、學歷和背景都配唔起林作，質疑佢只為錢財先同兒子一齊。

Photo from 《七救星》ViuTV

佢哋關係尷尬咗兩年終於有轉機，林作三人應邀亮相《七救星》，等七師傅幫佢哋擺場破冰飯局。節目開始時，七師傅同林作媽好啱傾，後者更形容七師傅似「失散咗一世嘅妹」，仲叫七師傅考慮做佢新抱。

Photo from 《七救星》ViuTV

至於林作，七師傅指佢罪孽太深，所以要打走其身上孽氣。於是，七師傅手拿棍子，從梳化飛向林作又踢又打，之後裕美加入，場面失控，林作背部更被打至通紅。

Photo from 《七救星》ViuTV

Photo from 《七救星》ViuTV

Photo from 《七救星》ViuTV

除此，七師傅秘密安排林媽同裕美嚟場「和頭飯局」，亦建議裕美透過烹調一道餸菜先向林媽釋出好意。

Photo from 《七救星》ViuTV

飯局開頭無裕美，然後佢突然捧著一碟親自煮嘅咕嚕肉出現。林媽見狀即黑面表示：「我減肥，唔食都飽啦。」之後，裕美激動稱：「唔好意思，我覺得好委屈囉」。即使七師傅開聲指「希望大家可以坐埋一齊」都無補於事。林媽更補多刀話「睇吓搵邊個請佢（裕美）出去啦」，裕美聽罷即爆喊。同時林媽又話自己係傳統女人，要同理想新抱啱傾，例如七師傅就會喺較適合人選。

Photo from 《七救星》ViuTV

Photo from 《七救星》ViuTV

裕美事後接受訪問大呻委屈，認為林媽當睇佢唔到，唔當佢係人，又希望林媽可以面對全香港市民解釋點解咁不滿自己，因為佢一直畀唔到解釋，只不斷說自己不適合兒子。除此，裕美指被林媽老屈洗林作錢，佢稱自己識做生意賺錢。

Photo from 《七救星》ViuTV

至於喺飯局笠水嘅林作，就話節目係驚喜安排，佢都預料唔到媽媽咁唔畀面裕美，「全部係真實反應，我都戥美美唔開心。」佢強調夾喺兩女之間不為難，因為支持女友想同媽媽和好決定。

Photo from 《七救星》ViuTV

對於林家嘅混亂，七師傅事後表示佢喺節目中經常雙手合十，不斷心想「家家有本難念的經」。

Photo from 《七救星》ViuTV

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）