兒子搵租盤迷信母帶風水師睇樓 想借風水差壓價 網民：平租就化解到？！

租屋要考慮好多因素，除咗地理環境，仲要同業主講價。最近，一名網民表示哥哥近日同未婚妻搵租盤，媽媽竟然帶埋風水師一齊睇樓，然後批評現場風水差，再企圖壓價，情況令人尷尬。

Photo from 行運超人

最近，一名男網民於香港討論區發文，表示哥哥即將與未婚妻結婚，所以決定搬出租樓。兩人早已有心水租盤，但想登門再睇多次做確定。

Photo from 愛回家之開心速遞

於是，事主媽媽便主動提出「一齊去幫下眼」。事主指媽媽非常迷信，佢哥哥本以為佢最多只會帶本風水書睇下方位，點知，媽媽於睇樓當日竟然擅自帶同一名做風水師嘅中學同學同行。

Photo from 行運超人

對此，哥哥與未婚妻雖然覺得有點失禮，但考慮到媽媽並無惡意，所以都畀佢哋同行。不過，到睇樓時就出事，該風水師一邊「唉聲嘆氣」，一邊向事主媽媽直指層樓唔好。

Photo from 愛回家之開心速遞

媽媽聽罷對風水師深表認同，更即轉身向地產經紀明言：「你呢層樓風水唔係咁好，如果可以平租啲就好好多！」

Photo from 愛回家之開心速遞

事主雖然不在現場，但得知事件後都認為媽媽只係「扮晒野搵個風水師上黎搞場大龍鳳」，坦言替阿哥阿嫂感到尷尬。

Photo from 香港討論區 評論

對此，有網民指事主媽媽「真係有心」，又言「世上只有媽媽好」，認為借風水講價幾有新意，更笑指：「平租就可以化解到（風水問題）？！」

Photo from 香港討論區 評論

Photo from 香港討論區 評論

亦有人認為媽媽做法無誤，寧願將問題指出都好過自己忍受。

Photo from 香港討論區 評論

不過，有網友不認同事主媽媽做法，佢表示買樓帶風水師視察並不罕見，但租樓就無咁嘅必要。亦有人質疑風水師真偽，認為租客直接開口劈價就得。

Photo from 香港討論區 評論

Photo from 香港討論區 評論

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Fac