【披荊斬棘的哥哥】超豪華宿舍公開！攀石場/大草坪/娛樂區！香港藝人被笑「大灣區男團」黃貫中唔埋堆
Photo from 《披荊斬棘的哥哥》
真人騷《乘風破浪的姐姐》大獲成功，今年乘勢推出《披荊斬棘的哥哥》，搵咗33位來自中港台嘅「哥哥」們參加！唔少香港人熟悉嘅男藝人如張智霖、陳小春、謝天華、林曉峰、黃貫中、梁漢文、歐陽靖（MC Jin）都係出演者。
Photo from 《披荊斬棘的哥哥》
佢哋雖然久未喺香港幕前露面，但喺內地人氣都唔錯，尤其係張智霖、陳小春，排名都喺前10，有望出道！
Photo from 《披荊斬棘的哥哥》
最新一集就公開咗佢哋合住嘅宿舍，超過30位男藝人將會搬入一幢超豪華別墅，戶外有大草坪，可以打籃球、攀石、曬太陽等。
Photo from 《披荊斬棘的哥哥》
Photo from 《披荊斬棘的哥哥》
室內空間都勁大，設有公共活動空間、遊戲娛樂區、廚房、餐廳等，連臥室都分為A、B兩棟，共有8間四人房同1間兩人房，每間房都有獨立洗手間。
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
Photo from 《披荊斬棘的哥哥》
「哥哥們」可以自由選擇同邊個人住同一間房，由年齡大至細嘅順序揀，首先係黃貫中同林志炫，年紀最大嘅黃貫揀入住4人房、林志炫就住兩人房。
Photo from 《披荊斬棘的哥哥》
之後到「古惑仔」陳小春、謝天華、林曉峰，佢哋3個入住最右邊嘅4人房，MC Jin其後加入同住；而張智霖同梁漢文就入住佢哋嘅隔離房，仲有言承旭、李雲迪，結果宿舍右邊嘅區域被其他哥哥笑係「大灣區」。
Photo from 《披荊斬棘的哥哥》
Photo from 《披荊斬棘的哥哥》
哥哥都好關心室友會唔會「打鼻鼾」，好似言承旭咁，佢專登走去問梁漢文瞓覺會唔會打鼻鼾，知道對方無就即刻揀佢間房，其他哥哥仲一齊將幾間房分成「打呼嚕區」、「不打呼嚕區一、二區」。
Photo from 《披荊斬棘的哥哥》
Photo from 《披荊斬棘的哥哥》
MC Jin同陳小春等人同住，即相當識做：「有咩清潔就交畀我！」。入夜後張智霖仲打電話畀老婆靚靚，保證自己唔會夜瞓。
Photo from 《披荊斬棘的哥哥》
Photo from 《披荊斬棘的哥哥》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【披荊斬棘的哥哥】張智霖月賺千萬想退休遭靚靚阻止 林曉峰直言不識內地歌手被指不尊重
16 Aug 2021
張智霖最近出演內地真人騷《披荊斬棘的哥哥》，節目中佢話認為自己體力已經不如以前，表示希望錄完呢個節目就退休。「退休」宣言一出，有傳張智霖即刻獲得唔少品牌代言嘅工作邀約，而老婆袁詠儀仲竟然話唔願意俾佢退休？！
Photo from 張智霖IG
即將迎來50歲生日嘅張智霖，最近成為內地真人騷《披荊斬棘的哥哥》嘅出演者之一，引起網民熱議。早前，佢喺接受媒體訪問嘅時候，就曾經提及過自己打算5年內「退休」，並表示如果冇受疫情影響應該已經舉辦咗「告別演唱會」！
Photo from 張智霖IG
近日，張智霖於節目《披荊斬棘的哥哥》同謝天華交談時，直言「錄完呢個就收山」，似乎想正式推出娛樂圈！佢解釋因為年紀越來於大，體力已經不如以前，會拍攝今次節目都係為咗能夠有更多機會見到粉絲。
Photo from 《披荊斬棘的哥哥》
Photo from 《披荊斬棘的哥哥》
據悉，張智霖嘅「退休」宣言公開後，佢就立刻接到唔少廣告商同演出嘅邀請，工作量大大增加嘅佢仲盛傳而家每月賺千萬人民幣，成為唔少廣告商嘅新寵！而唔少網民就對於佢嘅「退休」決定感到震驚，仲轉發節目截圖俾老婆袁詠儀詢問佢嘅諗法，而佢就講笑咁話「不用理他，他想多了。」
Photo from 微博
Photo from 張智霖IG
《披荊斬棘的哥哥》第一集播出後，反應唔錯，受到網民嘅高度關注；投票結果方面，張智霖暫時排行第4位。聽聞節目拍攝最快都要10月底先完成，再加上其他內地工作，所以張智霖起碼都要等到11月先可以返港！
Photo from 《披荊斬棘的哥哥》
Photo from 《披荊斬棘的哥哥》
而第一集亦引起咗唔少話題，其中內地rapper GAI（周延）就因為林曉峰嘅舉動而感到不滿！事源喺霍尊指著一旁嘅布瑞吉詢問林曉峰「他叫什麼名字？」，而林曉峰就回應「不記得」，一旁嘅GAI就目擊事情。
Photo from 《披荊斬棘的哥哥》
Photo from 《披荊斬棘的哥哥》
事後，GAI就非常坦白咁同陳小春講「我覺得曉峰哥有點不尊重我弟弟（布瑞吉），你不認識他，不能當著他的面說，因為他是我弟弟，我心裡有點不舒服。」；陳小春隨即代林曉峰講「不好意思」，並且強調林曉峰亦係佢兄弟！
Photo from 《披荊斬棘的哥哥》
Photo from 《披荊斬棘的哥哥》
唔少網民都認為GAI未免太過敏感，而且節目邀請咗33位來自唔同領域嘅男星，未能一時之間記住名字都係十分平常嘅事，認為佢咁樣嘅行為都係對前輩嘅唔尊重！網民隨即湧入佢嘅微博留言，大部份網民都揶揄佢「你弟弟是誰啊？」、「這麼多哥哥，你全記住了嗎？」等。
Photo from 微博
Photo from GAI微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
