港男望網友推薦月薪3萬荀工！要求人事關係唔複雜！網民：三唔識七做咩要益你

「做份荀工」可能係唔少人嘅夢想，不過就唔係個個都搵得到。近日喺討論區有網民表示想搵一份月薪3萬嘅工作，最好人事關係又唔複雜，希望有人推薦，但就被冷漠回應：「點解要益你」

Photo from TVB

喺香港討論區有網民以「有咩工係可以搵到3萬一個月？」為題開post，希望網友可以畀到啲意見佢。

Photo from TVB

樓主自言自己好肯學肯做、為人認真勤力，學歷係大專畢業，英文雖然唔算流利，但都溝通到。佢亦指出自己份人唔太識social，但唔會亂講嘢：「有問題嘅時候會想真心解決唔會為左同人為嗌而嗌」。

Photo from TVB

Photo from TVB

樓主表示唔介意OT返工返足10幾個鐘、亦唔介意忙到無得食飯、唔介意返足7日工，對工作要求相當低。

Photo from TVB

佢希望份工可以搵到3萬一個月，又補充指最好人事關係又唔複雜，但佢強調：「唔做雞唔做鴨」

Photo from TVB

不過唔少網友反應冷淡：「搞笑，三唔識七益你，送錢俾你駛？！」、「等廿年後通脹去到最低工資月薪3萬就有啦」

Photo from 香港討論區

Photo from 香港討論區

其後樓主就指自己本身做緊嗰份工人工都有$3萬，亦都係長期OT十幾個鐘、忙到無得食飯、返7日。佢本人雖然唔介意，但因為最近有啲人事關係上嘅問題，所以先想問下會唔會有其他人工差唔多嘅工作。

Photo from TVB

Photo from TVB

之後網友就指做政府工就相對容易有$3萬工資，亦有人建議唔怕辛苦嘅可以做地盤、札鐵等，收入都高達$3萬。有部分網友指做投資銀行、醫生、護士等都可以月入$3萬以上，不過樓主本人履歷就做唔到呢啲工作。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）