《七救星》七師傅出手幫陳婉婷擺脫萬年「丫鬟」命運！ 傳授獨門秘訣「七連閃電鞭」 網民直呼期待！

玄學家七仙羽（七師傅）近日主持嘅《七救星》正在熱播中，搞笑內容引起網民嘅熱烈討論！最新一集，七師傅就將會幫前無綫藝人陳婉婷擺脫做「丫鬟」嘅命運，仲自創咗獨門嘅絕招「七連閃電鞭」，令大家睇到預告嘅時候已經忍唔住爆笑～

Photo from 《七救星》

七仙羽（七師傅）嘅節目《七救星》最近就熱播中，而每一集佢都會邀請唔同嘅嘉賓，並絞盡腦汁為嘉賓「作法轉運」！七師傅無厘頭嘅風格就成功引起網民嘅關注，當中「難念的經」、「召喚南風術」等都已經令網民深入民心～

Photo from 七師傅FB

Photo from 《七救星》

而第8集，七師傅就邀請到前TVB藝人陳婉婷（Hebe）上節目，並可以令佢嘅事業更加順遂擺脫萬年做「丫鬟」嘅命運！事關陳婉婷喺TVB做咗10年，但每一次拍劇時多數都係飾演配角，而最令觀眾深刻嘅就係佢拍古裝戲做「丫鬟」嘅角色，仲因此而獲得「最索丫鬟」嘅稱號。

Photo from 《七救星》

Photo from TVB

喺預告片中，只見陳婉婷同七師傅都身穿古裝衣服：陳婉婷就穿著丫鬟服；而七師傅就扮演觀音佛祖。兩人之後仲好罕有咁坐喺度傾心事，而兩人仲一度攬埋一齊喊，嚇到另外兩位主持都目定口呆！

Photo from 《七救星》

Photo from 《七救星》

喺陳婉婷笑嘅時候，七師傅就忍唔住話「你睇佢連笑嘅時候都似丫鬟，點搞啊？！」，並親自上陣模仿「皇后」級嘅笑容，場面十分搞笑！

Photo from 《七救星》

Photo from 《七救星》

七師傅就指出陳婉婷長期「妹仔命」嘅原因，就係因為佢唔夠硬淨！所以七師傅就特別於節目中安排一連串令佢變強嘅活動，包括練拳等，仲非常大方咁傳授自己嘅獨門秘訣「七連閃電鞭」！不過呢套「七連閃電鞭」嘅動作就真係非常奇特，令唔少網民都忍唔住話「真係好想快啲睇到呢套拳術」！

Photo from 《七救星》

Photo from 《七救星》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《七救星》七仙羽加入P1X3L又Rap又跳！自推做隊長 幫成員卸下「藕」像包袱！

24 Aug, 2021
人氣玄學家七仙羽（七師傅）主持嘅ViuTV節目《七救星》近期熱播。嚟到第六集，節目請嚟男團P1X3L畀七師傅改善星運，結果七師傅認為三位成員當中無人有「隊長相」，於是自薦做隊長夥拍三人熱舞！

Photo from ViuTV

節目一開始，笑稱自己為「ViuTV第三大男團」嘅三人男團P1X3L指，就算拍完劉諾衡「Mike導」執導嘅《大海男兒》，星途都無咩起色。於是，七師傅決定幫佢哋改改運！

Photo from ViuTV

Photo from ViuTV

七師傅一開始便直指團名P1X3L難記，並封上新團名「Oh My God」，寓意粉絲一見到佢哋就驚歎OMG！之後，師傅協助每個成員面對心魔。首先，佢要求成員George（歐鎮灝）蒙著眼搵七師傅，由於佢最怕雞，所以George途中要克服其他人用儀器播出嘅雞鳴聲。

Photo from ViuTV

Photo from ViuTV

最終George都排除萬難去到七師傅身處嘅終點，並且嚟一個愛的抱抱。師傅又指George黑眼圈跟雙眼一樣咁大，容易受外在事物蒙蔽，所以送佢一副猶如「鐳射眼」墨鏡減退其黑眼圈，及幫佢開「心眼」。

Photo from ViuTV

Photo from ViuTV

輪到成員Marco（葉振弘），師傅要幫佢面對抨擊，化負為正。於是，師傅搵嚟作曲家Travis，再搭配自己專業嘅作詞能力，作一隻歌畀Marco唱出心聲。即使Marco演唱時有困難，其他成員和七師傅都幫手改良歌曲。

Photo from ViuTV

Photo from ViuTV

Photo from ViuTV

輪到成員Phoebus（吳啟洋），師傅認為佢偶像包袱（偶包）太重，所以安排佢模仿一個猥瑣大叔造型，換上攝衫超高腰褲+下身噴濕Look，背上一個盛滿蓮藕嘅背包進行任務。

Photo from ViuTV

Photo from ViuTV

Photo from ViuTV

師傅將蓮藕包比喻成「偶包」，要Phoebus以呢身獨特打扮向街坊派出蓮藕（寓意卸下偶包），及P1X3L宣傳單張，並且要街坊講出「我愛P1X3L 」。最初佢哋不獲理會，但當Phoebus放下心理包袱後，都獲不少不同國籍街坊支持。

Photo from ViuTV

嚟到最後環節，節目安排咗一班P1X3L粉絲送出驚喜，就係秘密為P1X3L製作一幅牆畫，順便進行粉絲見面會，畀三人知道自己並不是無支持者。

Photo from ViuTV

Photo from ViuTV

然後，七師傅指出，三人當中都無一有隊長面相，所以，佢決定發慈悲擔任P1X3L隊長！加入了團隊，當然要一齊練舞，所以七師傅出心出力喺天台同P1X3L一齊排練舞曲《Braceless》。可見七師傅跟住成員們學習舞步，顯示其超強舞蹈細胞。有網民都表示師傅跳舞真係有啲料到！

Photo from ViuTV

Photo from ViuTV

Photo from ViuTV

Photo from ViuTV

Photo from ViuTV

Photo from ViuTV

Photo from ViuTV FB

七師傅又安排P1X3L係天台高地表演畀粉絲睇，寓意佢哋步步高陞，真係別出心裁！

Photo from ViuTV

Photo from ViuTV

節目完畢時提醒觀眾別離開，因為佢哋準備咗七師傅Rap嘅彩蛋！七師傅喺錄音室以史上最高速廣東話Rap出連串強勢歌詞，如：「我不是你眼中的無料加傻」、「七師傅係作家、醫生、填詞、名校高材生、選美冠軍」、「我認為我無醉，我是香港的狼辣度」等等。

Photo from ViuTV

Photo from ViuTV

Photo from ViuTV

對此驚喜演出，有網民指：「七師傅啲Rap真係有字幕都無用」，亦有人要求釋出七師傅跳舞及Rap嘅完整版，睇嚟佢真係要認真考慮發展歌舞事業。

Photo from ViuTV FB

即按以下影片重溫七師傅熱舞片段！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）