薛影儀仍未獲亞視出糧！自爆非月薪工作！雖然係A0但試過主動追男仔可惜最終失敗

「ATV一姐」薛影儀近期爆紅，人氣勁高嘅佢唔止工作多多，淘寶仲有出售佢嘅攬枕。有話題有知名度嘅阿儀近日出席活動卻自爆自己未出糧，更直言佢唔係月薪工作，唔少網友大感驚訝。

Photo from ATV

亞州小姐面試當日，阿儀因為獨特嘅外型同談吐成為全場焦點。其後佢雖然未能入圍但仍獲亞視簽約成旗下藝人。

Photo from ATV

簽約後阿儀工作不斷，唔止獲安排live大開金口，獻唱歌曲吸引近8,000人收睇，又拍電影，工作量簡直好似「ATV一姐」咁多！阿儀咁多job同佢高人氣亦好有關係，網上出現「我老公娶咗薛影儀導致婚姻破裂關注組」，淘寶更有阿儀攬枕出售，其人氣之強勁可見一斑。

Photo from ATV

出道僅一星期就有份拍電影，爆紅嘅阿儀獲唔少廣告商青睞，job接job嘅佢最近出席活動時就表示現時工作唔太辛苦，不過工時就比較長。

Photo from 薛影儀IG

阿儀又指暫時仲未出糧，而佢簽嘅合約唔係月薪，而係分佣金。令唔少網友大感驚訝。阿儀話如果有工作，公司會叫佢，佢亦滿意收入。佢表示出咗糧會用嚟畀家用同做生活費。

Photo from ATV

Photo from lihkg

Photo from lihkg

Photo from lihkg

阿儀成為亞視最多job嘅藝人，佢坦言對自己嘅外型好有信心，完全無諗過要整容：「我樣唔差，整咗驚唔好睇」，阿儀雖然係A0「黃花大閨女」，但原來佢都曾有意中人！

Photo from 薛影儀IG

37歲嘅阿儀自爆從未拍過拖，亦無被人追過，但佢遇上心儀嘅男生曾主動出擊！阿儀表示對象係佢同學，當時阿儀WhatsApp同佢講話對佢有意思，點知對方無回到阿儀，仲封埋佢！首次追男仔即失敗收場，阿儀後來都未有拍拖了。

Photo from 薛影儀IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

薛影儀自信爆棚力數利愛安4個缺點！超有火藥味直言：我樣靚過佢又瘦過佢！

12 Aug 2021

落選亞姐薛影儀（阿儀）憑著特別嘅氣質同談吐而人氣急升，仲因此而被捧為「亞視一姐」。最近，阿儀就受林作邀請接受媒體嘅訪問，期間佢竟然力數競爭對象「東涌羅浩楷」利愛安（Kristen）嘅4大缺點，認為自己絕對比佢好！

Photo from 薛影儀IG

37歲「黃花閨女」薛影儀（阿儀）最近火速爆紅，仲獲簽約亞視2年，成為「亞視一姐」。佢簽約後頻頻接job，除咗拍攝廣告、宣傳等之外，開live唱歌都可以成功吸引逾8千人觀看，十分厲害！最近，佢仲將會登上大螢幕參演電影《愛‧還記得》，誓要發展成為全能藝人！

Photo from 亞視YouTube

Photo from 薛影儀IG

而一向都鍾意「抽水」嘅林作就邀請阿儀一齊接受媒體訪問，而訪問時佢話自己有留意網民嘅留言，當被問到「對網民最深刻嘅留言係咩？」，佢就回答「話我有冠軍相，仲靚過蔡小蝶！」，似乎對自己嘅美貌非常有自信～

Photo from 亞視YouTube

Photo from 薛影儀IG

訪問期間，阿儀就被問到同樣落選港姐但獲TVB簽約嘅「東涌羅浩楷」利愛安（Kristen），起初阿儀就輕描淡寫咁話「我冇留意佢喎」。後來，林作就表示可以介紹兩人認識，並且可以辦一場拳賽比賽等佢哋一決高下！

Photo from 利愛安IG

Photo from 林作FB

未知係咪因為最近爆紅而導致心態膨脹，阿儀就突然激動，開始狂數利愛安嘅缺點「佢肥肥哋㗎，我諗佢仲肥過我！」、「東涌嗰個女人唔靚，話佢好啲嘅網民好冇眼光！」、「佢冇咁多網民支持」、「東涌嗰個女人唔知學歷去到邊到？有冇讀大學？」等，從外型、身材、粉絲人數同學歷4大方面向利愛安「挑機」，好有火藥味！

Photo from 薛影儀IG

Photo from 利愛安IG

仲未有拍拖經驗嘅阿儀亦好明確咁講出自己嘅擇偶要求，認為對方一定要內外兼備，仲非常強烈咁表示自己並唔接受姐弟戀「細一年都唔得」，對另一半有非常明確嘅條件！相信呢番言論一定會傷透一班年輕粉絲嘅心喇～

Photo from 薛影儀IG

不過，日前TVB就幫利愛安形象大改造，仲請咗張寶兒為佢重新設計造型，擺脫以前形象，搖身一變成為仙氣美女，令唔少網民大讚「真係唔認得！」、「改造之後靚好多」等。有部份網民仲認為改造後同朱千雪有啲相似，亦有網民將佢同阿儀比較，話「佛祖靚好多」，睇嚟阿儀要加把勁先得喇～

Photo from 利愛安IG

Photo from 利愛安IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

東涌羅浩楷利愛安獲張寶兒出手大改造！「佛祖」大變身網友驚呼認唔出！

11 Aug , 2021

參選港姐時曾引起大眾關注嘅「東涌羅浩楷」利愛安（Kristen）雖然未能入圍，但TVB仍與佢簽約，日前仲安排張寶兒、髮型師、化妝師等為佢大改造，新造型令人眼前一亮，有唔少網民都話佢靚咗好多！

Photo from TVB

利愛安（Kristen）喺《香港小姐2021》首輪面試以一身懷舊打扮同妝容成為全城焦點，更因為舉掌pose而獲網友親切咁叫佢做「佛祖」。

Photo from TVB

Kristen一夜間有各種唔同稱號，但都係「佛祖」同「東涌羅浩楷」最為人熟悉。佢嘅個人IG更被公開，大量舊照曝光，Kristen一頭卷髮十分搶鏡。

Photo from TVB

突然爆紅嘅Kristen雖然未能入圍香港次輪面試，但就獲TVB簽約成旗下藝人，更即刻有工作機會！有指佢將會加入《愛回家之開心速遞》。

Photo from TVB

不過近日低調不少嘅Kristen風頭被亞視ATV同樣係選美出身嘅AO黃花大閨女薛影儀搶去，阿儀同樣以獨特外型取勝，雖然未能晉級亞姐下一輪，但亦都已簽約亞視。亞視安排咗非常多工作，阿儀唔止開live唱歌，又拍攝電影，已經成為網絡紅人！

Photo from 薛影儀 IG

Photo from ATV

Photo from 薛影儀 IG

Photo from 薛影儀 IG

唔知係咪因為眼見阿儀關注度越嚟越高，TVB馬上安排幫Kristen嚟個大改造，將佢一頭醒目曲髮拉直，又搵嚟化妝師同佢化返個靚妝，仲有張寶兒出馬，為Kristen配返個新look！

Photo from TVB

Photo from TVB

Photo from TVB

張寶兒向來對潮流相當感興趣，之前更為《聲夢傳奇》一班參賽者擔任造型師。佢今次幫Kristen揀咗一條白色長裙，黑色粗Belt束腰，配黑色高踭boot。

Photo from TVB

Photo from TVB

Photo from 張寶兒IG

新造型令人眼前一亮！張寶兒就表示Kristen五官十分立體，所以化淡妝會更加突顯到佢嘅優點，拉直頭髮會襯佢面型多啲，揀眼收腰嘅長裙可以拉返長佢個身型，氣質上亦符合佢本人嘅性格。

Photo from TVB

Photo from TVB

Photo from Kristen IG

見到「改造」後嘅Kristen，唔少網友都大讚佢變靚咗好多！又指髮型真係好重要，直髮好睇啲，亦有人表示佢新造型同以往判若兩人！

Photo from lihkg

Photo from Kristen IG

Photo from 張寶兒IG

Photo from 張寶兒IG

Photo from TVB

而張寶兒喺IG post出合照：「第一次遇見Kirsten，從她的談吐舉止中發現原來有別於她的不羈打扮，她其實是個親切可愛的氣質女子呢」

Photo from 張寶兒IG

Photo from 張寶兒IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）