打工仔last day臨收工前半個鐘竟被炒！網友：當1個月通知，唔洗補錢好衰！

打工仔遞信辭職後通常都會有一個月通知先離職，但日前有打工仔就表示自己向公司辭職後工作一個月，到last day當日臨收工前半個鐘突然被上司「炒魷」，令佢百思不得其解：「咩玩法？」

Photo from TVB

辭職都有「好嚟好去」，打工仔遞信之後普遍要提前1個月通知公司，即再做多個月，到last day可能會派下散水餅咁。日前Facebook page「奴工處」有網友投稿指佢本來係做零售，點知辭職後出現咗令佢意想唔到嘅情景。

Photo from TVB

事主表示佢喺公司做前線管理層近3年，一個月前遞信辭職，點知到last day臨收工前半個鐘，佢上司竟然話事主「2個月前行為不當及有不誠實行為」，更即時解僱事主。

Photo from TVB

Photo from TVB

事主稱佢上司指公司要同佢終止僱傭合約，但從頭到尾都無拎到任何證明出嚟，只係話有證明事主行為不當，令佢非常無奈：「完全唔明last day被解僱係咩玩法？」

Photo from TVB

Photo from TVB

網民直言事主公司嘅處理方法似情侶分手：「依家係我飛你，唔係你飛我呀！」，又指公司咁做好「無良」，提議事主直接開名。

Photo from 奴工處Facebook

有網友就指事主嘅公司應該係打算唔畀尾糧事主：「當比1個月通知炒，不用保（補）錢」，直言事主舊公司做法過分。

Photo from 奴工處Facebook

Photo from 奴工處Facebook

另外有網友認為公司想整花事主嘅紀錄：「想整花你record」，又建議事主留返晒所有證明，「搞大佢」，搵勞工處處理：「呢d公司一定要去勞工處開file」

Photo from 奴工處Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）