【披荊斬棘的哥哥】黃貫中張晉節目中零交流惹不和傳聞！兩人老婆情同姐妹過往關係親密！

Digital Content Writer

內地綜藝節目《披荊斬棘的哥哥》最近就正在熱播中，由於出演者陣容鼎盛而一度引起網民熱議！最近，有眼利嘅網民就發現黃貫中（Paul）同張晉於節目中完全零交流，然而兩人嘅老婆卻情同姐妹，令網民不禁懷疑兩人係咪不和？！

Photo from 陳法蓉微博

內地真人騷《披荊斬棘的哥哥》特別邀請咗33位中港台嘅男星出演，成功引起網民熱烈討論！而家節目就播到「哥哥」們開始分組預備演出，然而有網民就發現黃貫中（Paul）同張晉嘅關係有啲微妙，兩人幾乎零互動，令唔少網民懷疑兩人關係變差？！

Photo from 《披荊斬棘的哥哥》

喺第一集嘅時候，節目組就分批逐一介紹出演者們，並且讓佢哋進場就坐。當張晉（白衫）入場時，幾乎場內所有出演者都企起身拍手以示歡迎，而佢亦握手同其他出演者打招呼；但黃貫中（紅白間條衫）就只係坐喺度，甚至連望都冇望向過嗰邊！

Photo from 《披荊斬棘的哥哥》

喺初演出後，節目組就要求出演者們自行分組，當中陳小春同謝天華好快就攞到可以組五人隊伍嘅權利，而陳小春尋找隊友時亦有問黃貫中「大哥，你考慮的怎樣啊？」；黃貫中就隨即詢問「你哪裏有什麼人？」，似乎好似有想避開嘅人咁？！同一時間，張晉就正正企咗喺附近，然而兩人完全冇接觸，似乎冇想一齊組隊嘅意思。

Photo from 《披荊斬棘的哥哥》

節目亦有播出呢33位「哥哥」們合宿嘅小片段，不過唔知係咪因為太多人而導致佢哋未能夠有機會傾計，節目中所播出嘅片段中，佢哋都依舊係零交流！即使非常難得咁拍攝到兩人同框嘅畫面，但佢哋都只係各有各講，好似完全唔熟悉咁～

Photo from 《披荊斬棘的哥哥》

其實33位出演者咁多，大家一時之間的確好難變熟，但因為兩人嘅老婆朱茵同蔡少芬情同姐妹，而佢哋最近仲連同另外兩位姐妹洪欣、陳法蓉一齊主持內地節目《請吃飯的姐姐》！因此兩人應該私底下認識，但卻係節目仲表現得好疏遠，令唔少網民覺得有啲奇怪！

Photo from 陳法蓉微博

有網民仲翻出黃貫中同張晉過往喺微博上嘅互動，兩人表現親密。生日嘅時候亦會於微博送上祝福；而黃貫中仲會稱呼張晉做「阿晉」、「T」等，絕對同節目中所睇到嘅唔同，又難怪網民們會懷疑兩人係咪關係疏遠咗嘅～

Photo from 黃貫中微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【披荊斬棘的哥哥】超豪華宿舍公開！攀石場/大草坪/娛樂區！香港藝人被笑「大灣區男團」黃貫中唔埋堆

18 Aug, 2021

內地綜藝《披荊斬棘的哥哥》有中港台男藝人參加，其中港人熟悉嘅張智霖、陳小春、謝天華、MC Jin嘅人氣都幾高，最新一集公開咗佢哋住嘅超豪華別墅，各樣設施一應俱存，任藝人自行揀房間。

Photo from 《披荊斬棘的哥哥》

真人騷《乘風破浪的姐姐》大獲成功，今年乘勢推出《披荊斬棘的哥哥》，搵咗33位來自中港台嘅「哥哥」們參加！唔少香港人熟悉嘅男藝人如張智霖、陳小春、謝天華、林曉峰、黃貫中、梁漢文、歐陽靖（MC Jin）都係出演者。

Photo from 《披荊斬棘的哥哥》

佢哋雖然久未喺香港幕前露面，但喺內地人氣都唔錯，尤其係張智霖、陳小春，排名都喺前10，有望出道！

Photo from 《披荊斬棘的哥哥》

最新一集就公開咗佢哋合住嘅宿舍，超過30位男藝人將會搬入一幢超豪華別墅，戶外有大草坪，可以打籃球、攀石、曬太陽等。

Photo from 《披荊斬棘的哥哥》

室內空間都勁大，設有公共活動空間、遊戲娛樂區、廚房、餐廳等，連臥室都分為A、B兩棟，共有8間四人房同1間兩人房，每間房都有獨立洗手間。

Photo from 《披荊斬棘的哥哥》

「哥哥們」可以自由選擇同邊個人住同一間房，由年齡大至細嘅順序揀，首先係黃貫中同林志炫，年紀最大嘅黃貫揀入住4人房、林志炫就住兩人房。

Photo from 《披荊斬棘的哥哥》

之後到「古惑仔」陳小春、謝天華、林曉峰，佢哋3個入住最右邊嘅4人房，MC Jin其後加入同住；而張智霖同梁漢文就入住佢哋嘅隔離房，仲有言承旭、李雲迪，結果宿舍右邊嘅區域被其他哥哥笑係「大灣區」。

Photo from 《披荊斬棘的哥哥》

哥哥都好關心室友會唔會「打鼻鼾」，好似言承旭咁，佢專登走去問梁漢文瞓覺會唔會打鼻鼾，知道對方無就即刻揀佢間房，其他哥哥仲一齊將幾間房分成「打呼嚕區」、「不打呼嚕區一、二區」。

Photo from 《披荊斬棘的哥哥》

MC Jin同陳小春等人同住，即相當識做：「有咩清潔就交畀我！」。入夜後張智霖仲打電話畀老婆靚靚，保證自己唔會夜瞓。

Photo from 《披荊斬棘的哥哥》

Text: HolidaySmart Editorial

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel