【東京殘奧】埃及48歲無臂乒乓球手哈馬度創奇蹟 因一事奮力學打球 證明無嘢係不可能！
東京殘奧剛於星期二開幕，一名來自埃及嘅乒乓球手引起關注。佢叫哈馬度（Ibrahim Hamadtou），兒時遇意外失去雙臂，但佢因不甘嘲笑而選擇困難嘅道路學習打乒乓球，仲創出用口咬拍腳開波嘅打球方式，堅毅故事令人感動！
Photo from IG：paralympics
哈馬度遇火車意外失雙臂
嚟自埃及嘅48歲乒乓球手哈馬度（Ibrahim Hamadtou）10歲時遇上火車意外失去雙臂。佢表示，兒時居住嘅村落中，小孩唔係踢波就係打乒乓球。考慮到自身嘅殘障，佢好自然便選擇踢足球。
Photo from IG：paralympics
兒時玩伴嘲笑激發學乒乓球鬥心
不過，哈馬度之後因一事而轉向乒乓球，佢指：「我喺一間球會幫兩名打乒乓球賽嘅朋友做球證，兩人開始為分數爭執，有人唔同意我嘅裁決，同我講：『你永遠都打唔到乒乓球，所以唔好阻住我哋』。」就係呢句說話激發哈馬度鬥心，決定學習打乒乓球。
Photo from IG: paralympics
獨特開球技
單係學開波已困難重重，佢嘗試過用腋下夾著球拍但失敗。之後，佢花了一整年發展出用腳拋球、口開波嘅方式。
Photo from IG：ibrahim_hamadto
憑努力打入里約殘奧
憑著毅力練習，佢越打越勇，成功喺2016年非洲錦標賽獲第二名，更獲得參加巴西里約熱內盧殘奧資格。
Photo from IG：ibrahim_hamadto
哈馬度於上屆里約殘奧以第11名完成賽事，佢表示可以出戰里約殘奧係實現夢想，能成為當中一份子已非常開心，不過自己未準備得太好。
Photo from IG：ibrahim_hamadto
堅持奧運夢打入東京殘奧
今屆東京殘奧係佢第二次參與奧運，佢期望自己發揮更好，目標係比上次里約表現好，又希望可以拿到獎牌。佢想以自身經歷令所有埃及與非洲選手知道，無嘢係不可能。
Photo from IG：ibrahim_hamadto
不可能先生
哈馬度嘅堅毅精神及傳奇開波法令佢獲得「不可能先生（Mr Impossible）」稱號，國際兵乓球聯會亦為佢製作做一條叫「Nothing Is Impossible」嘅影片，令更多人受到啟發。就好似哈馬度曾說過，佢想向全世界證明無咩係不可能，殘障不在於四肢，而係在於未有堅持做自己喜歡嘅事！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【東京奧運】女乒教練李靜獲封「金句王」！13個超接地氣金句合集！最緊要多謝係我自己！奇兵出奇蹟！
6 Aug 2021
港隊乒乓球女團杜凱琹、李皓晴及蘇慧音於8月5日打敗德國隊，以3比1摘銅，為今届東京奧運拿下第四面獎牌，更創下港乒女團於奧運史上最佳成績！除了運動員表現出色，「背後的男人」教練李靜絕對功不可沒~全程激動指導，更頻頻大拋金句，多次掀起全城討論！以下逐個睇球壇「金句王」李靜13個超接地氣的金句，大家對邊句印象最深刻？
Photo from TVB無綫新聞台截圖
1.「X！你企喺中間喇」
在女乒團體賽16強時，李靜激動指導杜凱琹，期間一度爆粗「X！你企喺中間喇！企中間佢發你長你咪反手拉佢囉！OK？好嗎？」。那一幕被直播鏡頭捕捉到，在網上瘋傳，成為一時熱話。而港隊最後以3比1打敗巴西隊，晉級8強。
Photo from 賽事直播截圖
2.「波就一場場打嘅，飯就一啖啖食」
港隊黃鎮廷及杜凱琹出戰混雙8強，可惜以3比4敗於法國隊，李靜賽後表示比賽已經成過去，希望港隊之後有更好的成績，「波就一場場打嘅，飯就一啖啖食」。
Photo from 賽事直播截圖
3.「見到幸福要夠膽攞先得」
港隊女乒團體賽8強獲勝後，李靜以「爭取幸福」做比喻，希望球員能更放膽爭取及進攻。「其實今場領先後都有好多球可以殺落去得分，不過女仔有時係咁㗎啦，見到幸福要夠膽攞先得」。
4.「我諗睇多啲鬼片喇，膽生毛就有夠膽贏」
港隊女乒於東京奧運殺入團體賽4強，可惜敗於日本組合無緣決賽。李靜在賽後指女將「膽怯」，笑言球員應睇多啲鬼片訓練膽量，「我諗睇多啲鬼片喇，膽生毛就有夠膽贏」。
Photo from TVB翡翠台截圖
5.「夠膽出手先夠膽贏」
同樣在女乒團體賽4強後，李靜接受訪問時表示「夠膽出手先夠膽贏」，再次强調球員「膽量」的重要性。
6.「奇兵出奇蹟」
李靜今届東京奧運改以教練身份帶領港隊女兵團體摘銅再創歷史，賽後表示「奇兵出奇蹟」，大讚女將們贏得好精彩。
Photo from 賽事直播截圖
7.「波係圓嘅，戰果好難講」
港隊女乒團體摘下銅牌，李靜特別以「奇兵」形容首次出戰奧運的蘇慧音，越戰越勇，「今日德國隊兩名對手，蘇慧音以前都未贏過，今日可反勝，尤其今日在第一局落後，對方可能大意了點，但奧運會就是這樣，個波是圓嘅，戰果好難講。」
8.「最緊要多謝係我自己」
在港隊女乒在團體賽奪下銅牌，李靜在賽後訪問感激各單位時，更點名多謝一個人，「最緊要多謝係我自己，因為我付出咗更加多」。
Photo from TVB翡翠台截圖
9.「付諸行動先係最實際」
同樣在港隊女乒團體奪下銅牌，李靜在賽後被問有咩金句可以鼓勵香港運動員，他表示金句不敢講，「所有嘢唔係只係諗，要付出嘅，付諸行動先係最實際」，非常接地氣。
10.比賽「hold住啖氣」
港隊女乒在團體賽打敗德國隊奪下銅牌，蘇慧音在賽後接受訪問時，透露教練李靜就曾送金句，要她在比賽前「hold住啖氣」，不要緊張。
Photo from 賽事直播截圖
11.「叫『雙龍出海』就唔好，『雙鳳飛天』喇叫做」
李靜曾被問到如何評價杜凱琹與李皓晴兩位球員時，他不但以「兩個人都是一姐」形容二人，更幽默表示「雙龍出海」感覺太男性化，形容該組合為「雙鳳飛天」會更貼切，對旗下女將充滿信心。
12.「有機會就唔好放過，放過左之後就永遠冇機會」
李靜曾在專訪中形容體育競技是以成績為主，以「有機會就唔好放過，放過左之後就永遠冇機會」，鼓勵運動員們應把握出戰國際賽事的機會，好好表現自己！
13.「（獎牌）對於香港嚟講都好重大，因為奧運獎牌係屬於香港嘅」
其實李靜早在多年前已經顯露「金句王」的風範，與高禮澤在2004年雅典奧運奪下乒乓男雙銀牌時，以「（獎牌）對於香港嚟講都好重大，因為奧運獎牌係屬於香港嘅」形容自己當時的激動心情。
Photo from 蘇慧音_IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
