TVB《智能愛人》疑抄ViuTV《理想國》監製陳翹英：係特登，想向史匹堡致敬！

Digital Editor

TVB劇集《智能愛人》最近播出了第22集，當中講述一名虎媽逼兒子做練習，最終令兒子受壓跳樓自盡，後來佢搵嚟AI機械小孩做兒子替身。有網民發現，此情節及「兒子」演員都跟ViuTV劇集《理想國》單元《苟延殘喘》一樣！兩劇監製同樣係陳翹英，佢表示其實呢個安排係刻意。

Photo from 左： TVB《智能愛人》；右：《理想國》ViuTV

網民質疑《智能愛人》抄《理想國》

以AI為題材嘅《智能愛人》播出第22集，描述葉凱茵飾演嘅虎媽因強逼徐嘉謙飾演嘅兒子做功課，結果令兒子抵受不住壓力自尋短見。老公為安慰傷心太太，便訂製了一部跟兒子一模一樣嘅AI小孩。

Photo from 智能愛人 TVB

不過，有網民發現此情節同2019年ViuTV劇集《理想國》其中一個單元《苟延殘喘》接近完全相同，形容係「環保劇本」，又笑言「用返同一個童星」。確實，兩劇不但同樣講述虎媽令兒子跳樓，再找來AI代替，連當中飾演「兒子」嘅演員都一樣係徐嘉謙！

Photo from 理想國 ViuTV

Photo from 智能愛人 TVB

Photo from 連登討論區評論

其實以上兩劇嘅監製兼編審都係陳翹英，對於有唔少網民懷疑佢自己抄自己，將劇情循環再用，陳翹英接受傳媒訪問時向大家作出解釋。佢承認，佢係刻意將《理想國》相關情節搬到《智能愛人》，而且最主要目的係向名導演史提芬史匹堡（Steven Spielberg）致敬。

Photo from Pinterest

史提芬史匹堡嘅《人工智能》（A.I. Artificial Intelligence）講述科技公司生產了首部懂愛人嘅智能機械人David，並送給一對夫妻。夫妻本有一個因絕症進行人工冬眠嘅兒子Martin，於是David成為了Martin替身，但最終於Martin甦醒後被夫妻拋棄。

Photo from A.I. Artificial Intelligence movie

陳翹英向傳媒表示，兩劇嘅機械人小孩故事都係參考史匹堡電影《人工智能》。佢亦故意搵嚟同一演員飾演兒子一角，令兩套劇都有同一個生命。佢唔認為咁係「自己抄自己」，主要係想向史匹堡致敬，而且相關情節只係30集《智能愛人》裡嘅一條小線。

Photo from 智能愛人 TVB

陳翹英大讚「機械人小孩」演員徐嘉謙演技好，坦言係再搵佢拍戲原因之一。被問到《智能愛人》收視表現，佢承認最近收視可以表現更好，亦期望下周大結局可衝上20幾點收視。

Photo from 理想國 ViuTV

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel