【披荊斬棘的哥哥】「大灣區男團」節目狂講廣東話！節目組聽唔明將陳小春爆粗直出！

內地綜藝《披荊斬棘的哥哥》有唔少港星如陳小春、張智霖、謝天華、林曉峰、梁漢文、黃貫中等出演，更獲網友封為「大灣區男團」，節目第4期陳小春竟意外喺節目中爆粗，展現「真性情」。

Photo from 《披荊斬棘的哥哥》

#香港男星獲獲內地網民封「大灣區哥哥」

《披荊斬棘的哥哥》搵嚟來自中港台超過30位平均年齡逾50歲嘅「哥哥」們參加，香港男星分別有陳小春、張智霖、謝天華、林曉峰、梁漢文、黃貫中、歐陽靖（MC Jin）等，佢哋嘅人氣都唔錯，更獲內地網民親切稱做「大灣區哥哥」。

Photo from 《披荊斬棘的哥哥》

喺節目中陳小春、張智霖、謝天華、林曉峰、梁漢文經常坐埋一齊，喺第四期中，佢哋組隊係第四名，不過因為賽制規定第三場演唱會將以「部落同盟」嘅方式進行，需要兩個部落一齊合作演出。

Photo from 《披荊斬棘的哥哥》

#陳小春想與黃貫中結盟

於是陳小春部落就周圍搵同盟，佢哋一開始打算同黃貫中嘅6人部落結盟，但陳小春考慮到人數太多，佢直言：「我們十一個走在一起太沒規矩，就會變成欺負人家了。」

Photo from 《披荊斬棘的哥哥》

Photo from 《披荊斬棘的哥哥》

#轉軚搵GAI感唔好意思

之後梁漢文就提議可以喺表演中加入Rap嘅元素，搵GAI（周延）聯盟，大家都幾同意，不過陳小春因為之前打算同黃貫中結盟，依家「轉軚」，覺得有啲唔好意思。

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

#陳小春鏡頭前意外爆粗

佢哋諗住靜雞雞搵GAI，點知對方突然坐喺黃貫中隔離，令「大灣區男團」唔知點算好，只能喺GAI周圍行嚟行去，呢個時候陳小春更忍唔住爆粗：「X你老X！好似夜總會小姐等溝咁！」

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

其實「大灣區男團」圍內一直都係講廣東話溝通，少數時間會講下普通話，相信今次係佢放鬆心情而衝口而出，加上後期剪片嘅節目組唔識廣東話，喺唔知係粗口情況下將片段直接播出。

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

不過大部分觀眾都未有發現陳小春「山雞哥」上身，喺節目中爆粗，反而大讚「大灣區哥哥」猶猶豫豫咁好可愛。

Photo from 《披荊斬棘的哥哥》

Photo from 《披荊斬棘的哥哥》

相關文章：

【披荊斬棘的哥哥】張智霖月賺千萬想退休遭靚靚阻止 林曉峰直言不識內地歌手被指不尊重

相關文章：

【披荊斬棘的哥哥】黃貫中張晉節目中零交流 惹不和傳聞！ 兩人老婆情同姐妹 過往關係親密！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【披荊斬棘的哥哥】超豪華宿舍公開！攀石場/大草坪/娛樂區！香港藝人被笑「大灣區男團」黃貫中唔埋堆

18 Aug 2021

內地綜藝《披荊斬棘的哥哥》有中港台男藝人參加，其中港人熟悉嘅張智霖、陳小春、謝天華、MC Jin嘅人氣都幾高，最新一集公開咗佢哋住嘅超豪華別墅，各樣設施一應俱存，任藝人自行揀房間。

Photo from 《披荊斬棘的哥哥》

真人騷《乘風破浪的姐姐》大獲成功，今年乘勢推出《披荊斬棘的哥哥》，搵咗33位來自中港台嘅「哥哥」們參加！唔少香港人熟悉嘅男藝人如張智霖、陳小春、謝天華、林曉峰、黃貫中、梁漢文、歐陽靖（MC Jin）都係出演者。

Photo from 《披荊斬棘的哥哥》

佢哋雖然久未喺香港幕前露面，但喺內地人氣都唔錯，尤其係張智霖、陳小春，排名都喺前10，有望出道！

Photo from 《披荊斬棘的哥哥》

最新一集就公開咗佢哋合住嘅宿舍，超過30位男藝人將會搬入一幢超豪華別墅，戶外有大草坪，可以打籃球、攀石、曬太陽等。

Photo from 《披荊斬棘的哥哥》

Photo from 《披荊斬棘的哥哥》

室內空間都勁大，設有公共活動空間、遊戲娛樂區、廚房、餐廳等，連臥室都分為A、B兩棟，共有8間四人房同1間兩人房，每間房都有獨立洗手間。

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

Photo from 《披荊斬棘的哥哥》

「哥哥們」可以自由選擇同邊個人住同一間房，由年齡大至細嘅順序揀，首先係黃貫中同林志炫，年紀最大嘅黃貫揀入住4人房、林志炫就住兩人房。

Photo from 《披荊斬棘的哥哥》

之後到「古惑仔」陳小春、謝天華、林曉峰，佢哋3個入住最右邊嘅4人房，MC Jin其後加入同住；而張智霖同梁漢文就入住佢哋嘅隔離房，仲有言承旭、李雲迪，結果宿舍右邊嘅區域被其他哥哥笑係「大灣區」。

Photo from 《披荊斬棘的哥哥》

Photo from 《披荊斬棘的哥哥》

哥哥都好關心室友會唔會「打鼻鼾」，好似言承旭咁，佢專登走去問梁漢文瞓覺會唔會打鼻鼾，知道對方無就即刻揀佢間房，其他哥哥仲一齊將幾間房分成「打呼嚕區」、「不打呼嚕區一、二區」。

Photo from 《披荊斬棘的哥哥》

Photo from 《披荊斬棘的哥哥》

MC Jin同陳小春等人同住，即相當識做：「有咩清潔就交畀我！」。入夜後張智霖仲打電話畀老婆靚靚，保證自己唔會夜瞓。

Photo from 《披荊斬棘的哥哥》

Photo from 《披荊斬棘的哥哥》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）