梁朝偉傳與程瀟秘密生子！過去3段深刻情史一覽！ 曾深陷三角戀？！
梁朝偉（Tony）近日被傳同內地女星程瀟秘密生子，更喺日本買下愛巢。梁朝偉過去嘅感情史亦成為咗焦點，其實佢喺結婚前就曾經有過幾段轟轟烈烈嘅愛情故事，當中曾華倩、張曼玉等都係佢嘅緋聞對象。
Photo from 劉嘉玲微博
#梁朝偉傳與程瀟秘密生子
近日有報道指影帝梁朝偉（Tony）為內地女星程瀟喺日本買樓，更指兩人已秘密生子，梁朝偉妻子劉嘉玲雖然知情但選擇「隻眼開隻眼閉」。
Photo from 劉嘉玲微博
程瀟曾以韓國女團「宇宙少女」成員身份出道，不過近年佢就返內地發展，有出演過電視劇但就未曾與梁朝偉合作。由於兩人實在無咩同場嘅機會，因此有關傳聞亦被網友質疑真實性。程瀟工作室就發誤否認傳聞：「假得離譜！」
Photo from 程瀟微博
Photo from 程瀟微博
#曾與曾華倩拍拖6年！
魅力沒法擋嘅梁朝偉婚前亦有過深刻嘅感情經歷，過去亦曾經迷倒唔少合作過嘅女演員。佢喺1982年嘅時候加入TVB，參與過唔少戲劇嘅演出。其中佢同曾華倩嘅戀情就係因為拍攝《430穿梭機》而撻著！
Photo from 曾華倩微博
Photo from 梁朝偉微博
據悉兩人拍拖6年，不過由於兩人性格截然不同，所以經常吵架。有傳，兩人交往嘅6年間，曾經3度分手，直到喺1989年嘅時候決定徹底分手，永不複合。不過兩人分手後依然保持良好關係，曾華倩就曾經喺微博上載同梁朝偉以前嘅合照，緬懷過去～
Photo from 曾華倩微博
#傳曾對張曼玉有好感
之後，梁朝偉就喺拍攝《新紮師兄》被傳同張曼玉互相對大家有好感，但一直都未有一齊。其後，梁朝偉就當時亦有份拍攝《新紮師兄》嘅劉嘉玲一齊。不過3人嘅關係曾一度變得撲朔迷離，喺2000年拍攝《花樣年華》時梁朝偉同張曼玉就疑似擦出愛火！
Photo from 《新紮師兄》
Photo from 《花樣年華》
Photo from 《花樣年華》
#《花樣年華》令兩人再續情緣？！
其實張曼玉於1998年嘅時候就已經同法國導演Olivier Assayas結婚，根據當時媒體報導，張曼玉婚後同老公關係並唔好，仲曾經被對方傷害過，因此拍攝《花樣年華》嘅時候，經常都會同梁朝偉傾訴，兩人亦因而日久生情！當時唔少人就猜測梁朝偉同劉嘉玲嘅戀情可能已經不如以前！
Photo from 《花樣年華》
#傳劉嘉玲張曼玉因此不和？
隨後，張曼玉亦同法國導演離婚，不過佢同梁朝偉嘅戀情亦隨住電影拍攝完畢而不了了之。2000年5月，佢哋3人就首度於康城電影節同場，仲要一齊行紅地毯。有傳，劉嘉玲同張曼玉自此就「有你無我」，冇再同場過！
Photo from 微博
#事隔13年世紀破冰！
然而，劉嘉玲同張曼玉於2013年冰釋前嫌咁一齊出席台灣金馬獎頒獎典禮，雖然兩人並冇公開碰面，不過佢哋就乘搭同一班機返港，兩人仲一齊合照，被網民稱為「世紀大合照」！
Photo from 劉嘉玲微博
#同劉嘉玲1989年戀愛至今！
而梁朝偉最深刻嘅就一定係同老婆劉嘉玲嘅戀情喇！佢哋因為舞台劇《花心大丈夫》而相戀，並於1989年公開戀愛！雖然兩人交往期間，都有過唔少緋聞，不過兩人嘅感情非常穩定，並冇因為呢啲傳聞而受到動搖。
Photo from 劉嘉玲微博
#曾公開表示「劉嘉玲係最了解我嘅人」！
梁朝偉曾經講過自己拍攝電影嘅時候，好容易因為陷入角色遲遲都未能走出嚟，不過劉嘉玲每次都默默喺佢身邊陪伴佢，令佢十分安心。即使後來台灣富商郭台銘極力追求劉嘉玲嘅消息傳得沸沸揚揚，梁朝偉都表示十分信任對方！
Photo from 劉嘉玲微博
#兩人2008年結婚！
直到2008年，梁朝偉同劉嘉玲於不丹結婚，有情人終成眷屬！婚後兩人繼續愛得低調，不過劉嘉玲經常都會喺微博轉載有關老公嘅消息以示支持，之前亦罕有地上載咗一張「老婆視角」嘅相片祝賀梁朝偉生日，兩人嘅感情依然十分好～
Photo from 劉嘉玲微博
Text: HolidaySmart Editorial
相關文章：
相關文章：
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
TVB獲安排與梁朝偉做訪問竟blur走《尚氣》logo！杜汶澤嘲：呢種風度真係世界級
6 Sep , 2021
Photo from Marvel
#梁朝偉出演《尚氣》全球人氣急升
Marvel電影《尚氣與十環幫傳奇》終於喺香港上映，有份出演「文武」一角嘅影帝梁朝偉絕對係電影嘅重要人物。而佢早前亦以全廣東話接受外國傳媒採訪。
Photo from Marvel
出演荷李活電影嘅梁朝偉人氣爆燈！喺韓國網上更有唔少睇咗電影嘅觀眾表示自己被梁朝偉迷倒！大讚佢好有魅力！
Photo from 微博
Photo from 微博
#梁朝偉久違亮相TVB
為配合電影宣傳，電影公司安排咗影帝梁朝偉接受唔同嘅傳媒訪問，其中包括TVB嘅娛樂新聞台。朝偉久違亮相TVB，大談佢首拍荷李活電影嘅心路歷程。
Photo from TVB
不過TVB播出嘅訪問片段中，就將梁朝偉主演嘅電影《尚氣》logo 「blur咗」，字幕亦只係以「超級英雄電影」介紹，雖然主持有講到佢飾演嘅角色「文武」，但喺引用《尚氣》嘅片段時都淨係寫上「電影宣傳片段」、「電影花絮片段」等，字幕對《尚氣》隻字不提。
Photo from TVB
Photo from TVB
Photo from TVB
唔少網友大感不滿：「大台啲小動作真係令人哭笑不得」、「演員為咗宣傳電影所以接受訪問，但係個電影logo被打蒙咗，我諗全世界係tvb先做得出。」
Photo from TVB
Photo from TVB
Photo from TVB
#杜汶澤力斥TVB同人做訪問但blur電影logo
連杜汶澤都忍唔住喺Facebook發文：「點解Tvb 可以做到今日咁嘅成績，完全係來自自信。人哋部戲做宣傳，至俾個梁朝偉你，你blur咗人個logo，呢種風度真係世界級！」
Photo from 杜汶澤Facebook
佢直言如果唔係因為電影做宣傳，依家以梁朝偉嘅地位都未必會上TVB：「人哋依家都響荷李活拍緊『尚氣』喇！你哋？做到『上氣唔接下氣』咋！」
Photo from Marvel
有網民留言指：「啲人真係好小器」、「其實佢哋 blur 自己電視台個logo, 分分鐘呢個訪問仲多人睇」，杜汶澤嘲：「無返一百幾十萬都唔使旨意我出你個logo呀」
Photo from 杜汶澤Facebook
Photo from 杜汶澤Facebook
#其他天王巨星嘅電影都唔例外？
之前採訪劉德華、劉青雲主演嘅《拆彈專家》同樣都blur咗兩位影帝心口貼紙上印電影名嘅，另外個咪牌都有blur。
Photo from TVB
Photo from TVB
之前劉德華同梁朝偉合作嘅《金手指》都係一樣。相信blur電影名係TVB一貫做法。有網友笑稱唔blur應該就要放梁朝偉大頭訪問片段先得。
Photo from TVB
Photo from 杜汶澤Facebook
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
