張寶兒爆：「袁偉豪一直養緊我！」自豪分享《聲夢》演唱會穿搭心得

張寶兒早前為《聲夢傳奇》學員設計造型，雖然被不少網民指品味不佳，但佢仍拍片分享穿搭心得。除此，佢出席活動時又指家中支出大多由老公袁偉豪負責，仲笑言一直被袁偉豪養緊！

Photo from 張寶兒 IG

張寶兒分享《聲夢》造型設計心得

近日，張寶兒於個人YouTube頻道上載了《聲夢傳奇 First Live On Stage》嘅演唱會後台花絮。片中，佢帶觀眾參觀後台佈局，又解釋每件舞台服同飾物嘅配搭。

Photo from 張寶兒 Youtube

Photo from 張寶兒 Youtube

鍾柔美喜歡自己造型

當寶兒走進其中一個換衣間時，遇到正在調整麥克風嘅鍾柔美（Yumi），Yumi見到鏡頭便興奮歡呼，又表示：「我好鐘意我啲衫，我咩衫都鐘意~」

Photo from 張寶兒 Youtube

姚焯菲最適合著毛毛裙

寶兒又拿出由姚焯菲（Chantel）穿上，被唔少網民指似雞毛掃/懷舊雪條嘅漸變橙黃色毛毛裙，解釋羽毛設計係今年時裝界嘅熱門趨勢，所以佢一見到呢條裙便立即將佢放入首選清單，更指：「因為好多毛毛，所以人唔夠可愛會handle唔到」，寶兒與各方商議後，最終決定畀Chantel穿上此裙。

Photo from 張寶兒 Youtube

Photo from 張寶兒 Youtube

張寶兒宣傳新劇《OPM》

除了拍片分享《聲夢》花絮，寶兒日前出席了TVB新劇《OPM》宣傳活動，由於佢喺劇中飾演財經記者，故提及同老公袁偉豪嘅投資狀況。

Photo from 張寶兒 IG

張寶兒唔敢幫老公買股票

寶兒透露由於在經營生意嘅家庭中長大，所以佢從小就會儲起生活費做本金，到中三已開始投資買美股。佢坦言，雖然自己有買股票習慣，但都驚蝕錢，所以唔敢幫老公袁偉豪買股票。

Photo from 張寶兒 IG

寶兒續指，佢同袁偉豪係分開投資，而老公都好少買股票，「佢買樓居多。」

Photo from IG: ctkkit

張寶兒笑指一直被袁偉豪養

談到家中財政情況，寶兒指佢同老公係分工合作，其實屋企支出大多都由袁偉豪負擔，更笑言一直都係袁偉豪養緊佢！

Photo from 張寶兒 IG

相關文章：張寶兒被指打扮無品味！參與《聲夢》演唱會/佛祖Kirsten造型設計！盤點12大騎呢穿著

相關文章：張寶兒擔任聲夢造型師 品味被網民質疑 IG澄清：節目同決賽都冇幫忙！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）