港女嫌棄米線舖污糟用港式英文鬧爆！網民睇唔明：乜嘢英文嚟㗎？難過公開試啲文言文
唔少年輕人打字會中英夾雜，有時甚至會用埋「港式拼音」，不過就唔係人人都睇得明！早前有港女去米線舖食嘢卻嫌棄環境污糟，喺IG Story鬧爆，雖然驟眼睇係英文，但仔細留意有好多「自創拼音」，令人睇到一頭霧水。
Photo from TVB
#港式拼音
「拼音」喺文字對話中都頗為常見，唔少女生喺WhatsApp、IG等社交網站、工具都會用「港式拼音」溝通，即係以英文拼出廣東話。例如「好」會寫成「ho」、「靚」寫做「leng」、「我」寫作「ngo」、「都得」寫成「dou duk」等等。
Photo from TVB
「港式拼音」唔係咁易明，因為佢多數會出現喺正常嘅英文之間，有時需要讀埋出聲先會get到真正意思。
Photo from TVB
#港女IG鬧爆米線舖污糟
早前有港女喺IG Story post出一篇「英文」，佢喺文中指自己去咗米線舖獨自食晚餐，並力斥間舖同其他食客都十分污糟，令佢忍唔住喊咗出嚟。
Photo from lihkg
不過全篇夾雜唔少「港式拼音」，有部分更係呢位女士「自行創作」，有網民將呢個Story分享上連登討論區，好多網友大呼睇唔明！
Photo from TVB
#網友嘗試解讀「火星文」
有網友嘗試解讀，篇文大意係「我太窮啦，唯有是但去一間噏耷米線舖食晚餐，但嗰度又污糟又噏耷，我周圍嗰啲人都好污糟，所以我估啲嘢食都好污糟，有一秒直程想嘔，之後唔食走咗，我喊咗出嚟，因為我好慘。」
Photo from lihkg
有好多拼音穿插喺英文之間：「updup（噏耷）」、「maiseen（米線）」、「都好（dou ho）」、「chaam（慘）」等，而且正常嘅英文佢都用咗縮寫，例如「dinner（din）」、「people（ppl）」、「around（ard）」、「wanna（wna）」、「second（sec）」等，大大增加「解讀」難度。
Photo from TVB
Photo from TVB
Photo from TVB
Photo from TVB
#網友直言難過公開試啲文言文
網民睇完後表示好似睇緊火星文：「仲難過公開試啲文言文」、「And夠未」、「皺著眉頭用咗五分鐘先睇得明」、「chinglish ho larn understand ah（港式英文好難明啊）」、「點解會睇得明」
Photo from lihkg
Photo from lihkg
有網友就指成篇文最難明係「Wuddud」：「係佢自創㗎？」，又有人指佢似乎想showoff英文：「格硬塞個reckon想點」，亦有網民疑似認識嗰位港女。
Photo from lihkg
Photo from lihkg
Photo from lihkg
有網友就分享另一篇「港式拼文作文」，成篇主要係英文夾雜港式拼音，但中間就突然出現「道具」呢個中文，令網友笑言：「係咪唔識道具英文係props」
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港女嬲男友食飯唔讓梳化位俾佢！ 盤點5個網民遇過嘅公主病事例
8 Jul 2021
情侶相處之間，難免會因為生活習慣唔同而產生矛盾。近日，有位港女就表示因為男友食飯時冇讓梳化位俾佢坐，而感到憤怒！呢個post一出就引起網民嘅關注，唔少網民都認為呢位港女有「公主病」～
Photo from TVB
唔少情侶都經常會因小事而爭吵，透過呢種互動亦可以令彼此更加了解對方。日前，有位港女就喺討論區大呻因為男友嘅一個舉動而激嬲咗佢！事源就係呢位港女同男友相約出外食晚飯，不過佢因為工作關係而遲到，所以男友就喺餐廳內等佢。
Photo from 香港討論區
然而，當佢入餐廳嘅時候就發現男友竟然坐咗喺梳化位，而男友仲冇想讓位置俾佢嘅意思，令佢怒氣沖沖！佢就解釋認為男生讓梳化位俾女仔坐係「定律」嚟，因為梳化位相對上比較舒服，冇可能要女生坐木椅，令佢覺得男友十分唔稱職！
Photo from TVB
大部份網民都認為係港女過份小題大做，覺得佢有「公主病」，而且佢所講嘅「定律」並非大家一致認同嘅；但亦有部份網民表示明白港女嘅諗法，覺得佢男友唔夠風度！
Photo from 香港討論區
Photo from 香港討論區
正如網民們所講，佢哋認為該名港女太任性自我，而大家多數都以「公主病」專稱呢啲女仔。而家就等我哋一齊睇下網民們經常遇到嘅「公主病」事例啦～
奉旨要男友俾錢
有網民就分享過同女友食飯，十次有九次都係佢俾錢。網民就表示其實自己唔介意請佢食飯，不過每次俾錢嘅時候女友都只係坐喺度，好似奉旨要佢俾咁，呢種態度令佢有啲難受！
Photo from 連登討論區
Photo from TVB
過度情緒化
人難免都會有情緒，然而有公主病嘅女仔係會不分場合咁將自己嘅情緒宣洩出嚟，令身邊嘅人非常難堪。有網民就分享曾經見過有港女喺上飛機嘅時候插隊，而導致俾地勤人員提醒。呢位港女隨即發脾氣話「我而家就唔排隊唔上機」，仲認為地勤人員出言傷害佢，要求人哋道歉，十分荒謬！
Photo from TVB
著重物質
唔少人都認為公主病嘅女仔熱愛使用名牌手袋、衣服等，目的就係為咗令自己有面子。有網民就分享同拍拖9年嘅女友因為買名牌而吵大架嘅事件，適逢情人節佢就打算帶同女友係選禮物，而女友就帶佢去咗間名牌店，表示想買頸巾。然而，條頸巾價值五千幾，令網民認為根本唔值得買，因此而同女友爭論！
Photo from 連登討論區
Photo from TVB
完全冇自理能力？！
唔少網民都經常比喻公主病嘅女仔「好似冇手咁」，基本嘅小事都做唔到。有網民喺討論區分享已經結婚嘅同事竟然唔識打蛋同煲熱水，令佢十分驚訝；亦有網民話自己女友嘅鞋帶永遠都係佢幫手綁㗎！
Photo from 連登討論區
永遠都唔認錯
討論區成日都有唔少「苦主」男友分享，投訴自己嘅女友就算做錯事都絕對唔會道歉，甚至有時候仲要男友哄返轉頭先得。
Photo from 高登討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
