姚焯菲接拍新樓盤廣告吸金力驚人！網民翻出鍾柔美出道前廣告：細個就搵外快！

By Stephanie on 14 Sep 2021

Digital Content Writer

TVB節目《聲夢傳奇》比賽已經完滿結束咗一段日子，而有份參加節目嘅學員亦因此而人氣急升！最近，姚焯菲（Chantel）就獲邀拍攝新樓盤廣告，吸金力極強；而另一位參賽者鍾柔美（Yumi）就被網民翻出兒時嘅演出片段，被網民指「細細個就已經識得搵錢」！

Photo from 姚焯菲 IG

#《聲夢》學員因節目人氣急升！

TVB節目《聲夢傳奇》成功捧紅唔少有份參賽嘅學員，令佢哋人氣急升，頻頻接job！其中節目中嘅「人氣王」姚焯菲（Chantel）節目結束後依然人氣高企，獲得唔少廣吿商嘅青睞～

Photo from 姚焯菲 IG

#人氣王姚焯菲已接拍5個廣告

姚焯菲（Chantel）喺參加節目後就已經拍攝咗大約5個廣吿，包括2個銀行廣吿以及時裝品牌等。日前，佢仲獲邀參與位於鰂魚涌嘅新樓盤廣吿，成為首位進軍樓盤廣告嘅聲夢學員！

Photo from 姚焯菲 IG

#為新樓盤擔任代言人！

喺廣吿短片中，只見Chantel到訪示範單位以及會所內嘅唔同設施，仲大談自己理想中嘅Dream Life「就係可以有K房唱歌同埋Gym room做運動」！據悉，呢個新樓盤打算吸引一班年輕嘅客人，故此睇中年紀輕輕嘅Chantel作為代言人，並用佢甜美嘅聲線去為介紹樓盤。

Photo from THE HOLBORN樓盤廣吿

即將迎來15歲生日嘅Chantel就已經獲唔少廣吿商青睞，再加上未來TVB亦將會繼續提供機會俾一班聲夢學員，相信佢嘅吸金能力將會有增無減！

Photo from 姚焯菲 IG

#網民翻出鍾柔美出道前片段！

而《聲夢》嘅另外一位學員鍾柔美（Yumi）最近就被網民翻出兒時嘅表演片段，現時只係得14歲嘅佢，其實係童星出身！自6歲開始就已經參加唔同表演及比賽，擁有豐富嘅舞台經驗，所以之前喺聲夢嘅舞台表演時亦非常淡定，佢曾經表示每個星期都會話至少5小時學習唱歌、鋼琴、跳舞等興趣班。

Photo from 鍾柔美IG

#曾有份參與微電影及電視劇拍攝

Yumi係家燕媽媽藝術中心嘅其中一位畢業生，曾參與由家燕媽媽監製嘅微電影《娃娃》，係裡面嘅主要演員之一，戲份相當多；而佢亦曾經參與電視劇《城寨英雄》、《平安谷之詭谷傳說》等演出，同陳展鵬合作過㗎～

Photo from 《娃娃》

Photo from 微博

#網民直言：細細個就開始搵外快！

網民們見狀就大讚Yumi細細個就已經好靚，並笑言「估唔到佢細個嘅時候，吸金力就已經咁強！」睇嚟《聲夢》嘅學員們都好有「錢途」～

Photo from KFC廣吿

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編

【聲夢傳奇】姚焯菲捧蛋獲富爸爸獎勵！傳將組女團「港版BLACKPINK」出道

20 Jul , 2021

TVB《聲夢傳奇》完滿結束，賽前呼聲極高嘅姚焯菲（Chantel）大熱倒灶未獲任何獎項，不過就有傳媒指佢將與另外4位聲夢學員組女團出道，誓要打造「港版BLACKPINK」！

Photo from TVB

《聲夢傳奇》播出以嚟人氣、話題幾乎都喺女學員身上，最高人氣嘅除咗有炎明熹（Gigi）外，不得不提「國民初戀」姚焯菲（Chantel）。

Photo from TVB

Chantel年紀小小，但因為唱《戀愛預告》爆紅，連飲水片點擊率都十分驚人，絕對係節目嘅焦點之一，而佢亦順利打入《聲夢傳奇》總決賽！

Photo from TVB

雖然憑籍極高人氣，Chantel進入最後2強，但仍不敵大熱門炎明熹，Gigi一人包攬所有大獎，Chantel遺撼「捧蛋」而歸，但參賽時已有極多fans嘅佢，日後出道相信亦會有唔少人關注。

Photo from Chantel IG

之前TVB高層樂易玲就指出聲夢所有參賽者均已簽約TVB，令人猜測一眾學員或會成為星夢旗下歌手，成為胡鴻鈞、JW等同門師弟師妹。

Photo from Chantel IG

不過有份做聲夢導師嘅Gin Lee（李幸倪）就表示有意向公司提出簽Gigi等人，有報道指TVB有意將Chantel、Gigi簽畀環球、華納等唱片公司，Chantel、Gigi、Yumi（鍾柔美）、Aeren（文凱婷）4位女學員將組女團出道，務求打造「港版BLACKPINK」。

Photo from TVB

不過Aeren喺節目中一直觀眾緣麻麻，多次係淘汰賽中被網友留言指：「點解唔係foul Aeren？」，如果女團成員名單為真，或會影響組合人氣。

Photo from TVB

而擁有超高人氣嘅Chantel相信會係核心成員之一，有大公司鋪路，加上眾多fans支持，就算攞唔到獎，Chantel星途亦無可限量。

Photo from Chantel IG

除咗唱功之外，Chantel嘅家庭背景亦一向備受大眾關注，早前聲夢YouTube節目就曝光咗佢所住「豪宅」，據報市值約$2,000萬。

Photo from TVB

家住豪宅又讀國際學校，Chantel父母自然來頭唔細，日前佢爸爸嘅真實身份曝光，Chantel爸爸姚輝文同媽媽都係會計師，爸爸喺大型財務公司任職首席財務官及常務董事。

Photo from 今翊資本官網

Photo from TVB

姚爸爸錫到個女濃，唔止親自車女兒出入電視城，就連聲夢學員嘅商場活動佢都有現身支持，身體力行撐愛女！最近有指姚爸爸再投資買新樓，更與愛女Chantel一齊現身收樓，新居價值逾$2,000萬，果然係富貴人家！

Photo from Chantel IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【聲夢傳奇】14歲姚焯菲住豪宅讀國際學校！曾言唔識姜濤/李克勤原來鍾情韓國女團

28 Apr 2021

TVB選秀節目《聲夢傳奇》參賽者姚焯菲（Chantel）年僅14歲，日前節目組就同另一參賽者林君蓮（Kaitlyn）上姚焯菲屋企，意外曝光佢家境富裕家住豪宅，又發現曾指唔識姜濤、李克勤嘅Chantel原來係韓國女團嘅fans。

Photo from TVB

TVB選秀節目《聲夢傳奇》喺YouTube公開片段，參賽者之一嘅Kaitlyn就突擊上Chantel屋企做任務。

Photo from TVB

Chantel屋企地方闊落，木地板同白色牆身感覺乾淨企理，一入門口就係飯廳同客廳，一啲雜物都無，空間感極大，飯廳仲有一張長型飯枱，可以坐到8個人。

Photo from TVB

Chantel有一個妹妹，不過屋企房間多佢兩姊妹可以擁有自己單獨嘅房間，從客飯廳中間嘅走廊右手邊就係Chantel間房。

Photo from TVB

Chantel房間有大窗台，採光唔錯，雖然空間唔算超大，但書枱、書櫃、衣櫃等一應俱全。

Photo from TVB

之前《聲夢傳奇》搵嚟李克勤做導師，由於節目不乏年齡較細嘅參賽者，其中得14歲嘅Chantel就坦言認得佢個樣，但唔係好知佢叫咩名：「我記得Daddy成日聽佢嘅歌！」，後來又表示唔太認識隔離台ViuTV嘅選秀節目《全民造星》第一季嘅冠軍姜濤，令唔少網民質疑佢對香港樂壇一啲都唔了解：「香港歌手又唔職，又唔聽廣東歌，咁你參加香港歌唱比賽做乜？」