李施嬅揚威海外/郭可盈曾成為四大花旦盤點11位事業發展好落選港姐！

By Stephanie on 27 Aug 2023

Digital Content Writer

《2023香港小姐競選》有唔少大熱人馬，唔知邊個可以入到三甲呢？！不過其實過往有好多落選嘅佳麗最終都獲大台簽約成為旗下藝人，當中唔少人都有唔錯嘅發展㗎～宜家即睇有邊11位啦！

Photo from 湯洛雯IG

#關楓馨

關禮傑女兒關楓馨（Fabienne）於2021年參加香港小姐競選，參賽前係唔少網民心目中嘅冠軍大熱人選，可惜最終只係獲得「現場觀眾至Like佳麗」，令唔少網民表示大跌眼鏡！不過現時佢已經成為咗大台旗下藝人，有份主持《男神廚房》以及《健康100錯》，與同期嘅港姐相比都可以話係發展順遂。有指佢未來將會有份出演電視劇，可以話係備受重視～

Photo from 《香港小姐競選準決賽》

Photo from 關楓馨IG

#郭可盈

郭可盈喺1993年參選香港小姐，雖然最終未能獲得任何獎項，不過亦被TVB睇中簽約，成為當時嘅「四大花旦」！而佢曾經參與多部電視劇嘅拍攝，包括：《刑事偵緝檔案》、《法網伊人》等，演技出色嘅佢仲憑《酒店風雲》榮獲《新城勁爆電視大獎頒獎禮》女主角獎！

Photo from TVB

Photo from 郭可盈IG

不過自從郭可盈同林文龍結婚，並誕下女兒後，佢就專心相夫教子，照顧家庭，逐漸淡出幕前！而家佢經常都會於IG上載生活照，大晒一家三口幸福生活～

Photo from 郭可盈IG

#張可頤

張可頤1994年參選香港小姐，最終於5強止步，落選後就加入TVB。入行後，佢得到唔少演戲機會，好快就擔正做女主角，並獲得唔錯嘅成績，奠定佢當時喺影視圈嘅地位！

Photo from TVB

除此之外，張可頤仲係經常入圍《萬千星輝頒獎典禮》「最佳女主角獎」嘅常客，可惜嘅係佢至今都並未奪得影后嘅頭銜，只係於2003年憑《九五至尊》榮獲「本年度我最喜愛女角色」，並於2012年約滿離開TVB。近年佢亦有於幕前亮相，有份出演ViuTV電視劇《暖男爸爸》！

Photo from 張可頤IG

Photo from ViuTV

#李施嬅

李施嬅（改名前：李詩韻）2003年參選港姐，獲得「最上鏡小姐」以及「才藝小姐」獎項，不過未能成功爭取更多獎項，成為首位奪得「最上鏡小姐」但卻未能晉身5強嘅佳麗！加入TVB後，佢拍攝多部電視劇，並成為一線花旦。

Photo from 李施嬅IG

李施嬅於2017年喺微電影《Once More》飾演Selina一角，並獲得「European Cinematography Awards」同埋「Los Angeles Film Awards」嘅最佳女演員，演技備受肯定！而佢就喺2019年離開TVB，並往外國影視圈發展，今年初飛往加拿大拍攝電視劇！

Photo from 李施嬅IG

#黃智雯

黃智雯2007年選港姐，最終晉身5強但未能奪獎。簽約TVB後，佢初期大多都只係飾演唔太起眼嘅配角角色，但喺拍攝《巴不得爸爸》後演技受到肯定，並開始獲得更加多嘅演戲機會。

Photo from 黃智雯IG

後來，黃智雯就開始飾演女配角或者女主角，戲份逐漸變多，並多次於《萬千星輝頒獎典禮》獲「最佳女主角」、「最佳女配角」及「最受歡迎電視女角色」嘅提名！

Photo from TVB

Photo from 黃智雯IG

#高海寧

高海寧於2008年參加香港小姐，於最後5強止步並獲得「旅遊大使獎」。初初入行嘅時候，佢不被睇好，但就憑著拍攝《法網狙擊》、《使徒行者》等，演技開始備受網民肯定，成功擺脫「花瓶」稱號！

Photo from 高海寧IG

Photo from TVB

#麥美恩

麥美恩2011年參選港姐奪得殿軍，不過落選後依然獲TVB邀請試鏡，成為TVB旗下藝人，並往主持人方向發展！入行後，佢主要都係負責主持唔同嘅節目，包括有：《學是學非》、《3天2夜》等，偶爾亦會客串電視劇拍攝。其中，佢同森美喺2016年港姐決賽鬥嘴嘅畫面引起網民關注，活潑貼地性格令佢開始為人熟悉。

Photo from 麥美恩IG

#湯洛雯

湯洛雯2012年參選港姐，並獲得「旅遊大使獎」同埋「美麗昇華大使獎」，係當年非常熱門嘅冠軍人選，不過最終6強止步！加入TVB後，曾經主持《學是學非》以及參與電視劇拍攝，其中以《愛回家》「李思思」一角而為人熟悉，現時亦係TVB其中一位備受力捧嘅女藝人～

Photo from 湯洛雯IG

#岑杏賢

岑杏賢係2012年嘅「最上鏡小姐」，出道以來只要負責主持節目，包括有《流行都市》、《快樂長門人》等，而戲劇方面就以《愛回家之開心速遞》中龍敢威秘書「余愛詩Icy」一角最出名！

Photo from 岑杏賢IG

#簡淑兒

簡淑兒係2012年嘅港姐佳麗，仲曾經係組合「少女標本」嘅成員之一，曾出演多部電視劇，並憑著甜美笑容成功吸引一班宅男粉絲！最近，因為拍攝真人節目《SUPER FIVE》同麥大力擦出愛火，公開戀情～

Photo from 簡淑兒IG

#張寶兒

張寶兒2016年參選港姐，決賽中未能晉身4強，但就奪得「友誼小姐」嘅獎項！入行後主要係做主持工作居多，亦係《學是學非》嘅主持人之一。最近，佢仲為《聲夢傳奇》嘅一班學員擔任服裝造型師，而佢過往看穿衣風格就瞬間成為網民嘅熱話！

Photo from 張寶兒IG

相關文章：游嘉欣獲力捧上位做新一代小花！TVB開新劇3位人氣港姐榮升新寵兒！

相關文章：2016港姐季軍陳雅思待嫁大馬富三代！同屆港姐近況大不同！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

盤點6位曾嫁入豪門港姐朱玲玲二度嫁富豪/何艷娟丈夫大40年

30 Apr , 2021

唔少女仔都想透過參選港姐，獲得機會進入娛樂圈，成為藝人；亦有女仔係希望可以透過選美認識更加多嘅人，從而尋覓真命天子！喺現實中，的確有唔少港姐嫁入豪門嘅例子，而家就嚟盤點下有邊啲港姐係嫁咗入豪門㗎啦～

Photo from 何艷娟IG

1.呂姵霖（呂麗君）

44歲嘅呂姵霖喺1998年嘅落選港姐，之後就去咗英國進修。喺英國讀書期間，佢喺LV店咗兼職售貨員，仲因此而同劉鑾雄（大劉）結緣。後來，大劉好快就俾純真嘅佢所吸引，兩人正式交往。但同一時間，大劉當時亦與唔同嘅女士關係不明。

Photo from TVB

Photo from 呂姵霖基金會IG

同大劉拍拖嘅14年間，呂姵霖誕下大囡劉秀盈同埋細囝劉子峰，仲好保護子女甚少俾佢哋露面。期間，多次傳出佢同甘比不停爭寵。喺2014年，兩人正式分手，喺大劉嘅聲明就提及到分手前有送贈超過逾20億元禮物同現金，並且已經雙方協議好唔會再有任何金錢上嘅瓜葛。

Photo from 呂姵霖基金會IG

2.李嘉欣

50歲嘅李嘉欣係1988年嘅香港小姐冠軍同埋國際華裔小姐冠軍，仲被網民稱為「最美港姐」！佢入行以嚟感情生活都十分多姿多彩，先後同倪震、劉鑾雄（大劉）等拍過拖。

Photo from TVB

Photo from 李嘉欣IG

喺2008年，同香港船王許愛周之孫兼富商許晉亨結婚，並且於2011年誕下兒子許建彤（Jayden）。兩人結婚至今已經13年，依然恩愛，經常都會大曬合照。

Photo from 李嘉欣IG

3.朱玲玲

朱玲玲喺1977年參選港姐並榮奪冠軍同最上鏡小姐，成為當時首位「雙料港姐」。當時一夜成名嘅佢吸引好多人嘅追求，香港富商霍英東的長子霍震霆亦係其中一位。兩人僅僅拍拖9個月就於1978年結婚，被網民稱為「港姐嫁豪門」嘅先河！後來，兩人於2004年因性格不合同男方與其他人傳緋聞而離婚，但佢就表示兩人早於1997年已經分居。

Photo from TVB

喺2008年，朱玲玲同瑞安集團主席羅康瑞結婚，二度嫁入豪門。羅康瑞仲喺結婚嘅第二日，就向證監會申報太太嘅身份，同朱玲玲一齊共享46億身家！

Photo from TVB

4.徐菁遙（徐淑敏)

徐菁遙喺2006年參選香港小姐，當時係熱門人選嘅佢大熱倒灶，只係獲得旅遊大使獎。後來，佢亦獲得TVB力捧，有唔同機會出演電視劇同埋綜藝節目。

Photo from TVB

喺2009年，佢就同飲食才俊黃浩（Kenny）閃婚兼宣佈懷孕消息。婚後，二人育有三個囡囡：大囡黃心瑤（Vianna）、二囡黃心柔（Renee）同埋細囡黃心誼（Isabella），仲曾向觀眾介紹自己4000呎嘅華麗豪宅。喺2017年，為咗旺夫旺家庭而改名。

Photo from 徐菁遙IG

5.何艷娟

何艷娟喺2014年參選香港小姐並獲得季軍，不過演藝事業就一直停滯不前，大多飾演不太起眼嘅配角。不過佢嘅感情生活就十分精彩，佢同比佢他40年、擁有30億身家嘅奧博營運總裁吳志誠喺2018年入紙結婚，搖身一變成為豪門闊太，出席各種名媛派對。

Photo from TVB

Photo from 何艷娟IG

可惜呢段婚姻維持唔到一年就離婚收場，有傳何艷娟仲有機會分吳志誠嘅超過30億嘅身家！離婚後不久，就有傳何艷娟已經搭上擁過百億身家的陳樹渠長子陳燿璋，二人喺派對有親密行為。之後，何艷娟又被爆出疑似有外籍新歡，有傳新歡係瑞士銀行家。

Photo from 何艷娟IG

6.丁子田

現時26歲嘅丁子田係2018年嘅港姐季軍，當時參選時就被指家庭背景唔錯，姑媽甘草演員丁主惠仲同樂易玲關係幾好，當時俾網民話靠關係而入選！可惜參選完港姐之後，都冇咩演出嘅機會。

Photo from TVB

Photo from 丁子田IG

最近，佢就喺IG上載咗同男友嘅照片，並且大曬巨型鑽戒宣佈同富二代男友吳杰龍（Paul）嘅婚訊。男友Paul係國行集團太子爺，佢爸爸有份將唔同嘅高級品牌FENDI、BURBEERRY等帶入內地，係名副其實嘅富二代！Paul自己本身都遺傳爸爸有商業頭腦，上年就曾經喺上海為珠寶品牌舉辦pop up store，仲一手包辦曬所有嘅宣傳同計劃。