MIRROR工時長達20小時！ AK曾因工作忙暈倒 Lokman：瞓覺係奢侈！

MIRROR成員姜濤日前出席活動嘅時候，因為身體不適而暈倒，搞到一班姜糖十分擔心！最近，Lokman（楊樂文）同AK（江熚生）喺接受電台訪問時就表示自己其實都曾經因為工作太忙碌而唔舒服，令粉絲們不禁擔心佢哋嘅工作時間過長！

Photo from MIRROR IG

#姜濤因工作忙碌而暈倒？！

12人組合MIRROR人氣飆升，每位成員都頻頻接job，工作十分繁忙！日前，姜濤喺尖沙咀出席公開活動嘅時候，就因為身體不適而暈倒，需要在場嘅保安攙扶離場休息。而花姐亦隨即喺IG上向各位姜糖報平安：「現在休息中，沒有大礙」，仲話姜濤應承咗呢2日都將會好好休息！

Photo from 姜濤IG

Photo from 花姐IG

#向姜糖報平安！

不過唔少姜糖依然十分擔心姜濤嘅情況，而姜濤喺休息咗整整一日之後，於IG出post「真的很抱歉，讓大家擔心了」，仲話照顧好自己嘅身體係作為藝人嘅責任，感謝每一位關心過佢嘅人！

Photo from 姜濤IG

#透露姜濤正在休假！

日前，MIRROR嘅隊長Lokman（楊樂文）同副隊長AK（江熚生）就接受Do姐（鄭裕玲）主持嘅電台訪問，而佢哋亦有透露姜濤嘅最新情況「佢休息咗一陣之後，就回覆咗我哋，OK冇問題！」，仲話花姐已經立刻幫佢排開工作，等佢可以好好利用呢幾日休息一下！

Photo from Do姐IG

#AK自爆自己曾因工作暈倒！

MIRROR成員工作忙碌係眾所周知嘅事，而佢哋兩個都話工作嘅時候連食飯都唔夠時間！Do姐就詢問兩人有冇因為工作而暈倒過嘅經驗，AK就話「剛剛成軍嗰段時間，所有嘢都要12個人一齊做，會覺得連瞓覺都係奢侈品！」，仲話試過表演完落台後腳軟；而Lokman就話自己冇試過因工作而暈倒，不過就試過同朋友玩完後，等車時頭暈。

Photo from AK IG

Photo from Lokman IG

#MIRROR工時最高達20小時！

Do姐就再問「你哋嘅工時係咪好長？」，兩人都表示視乎當日嘅工作性質而定，不過佢哋都一致認同拍MV係最辛苦！拍攝MV起碼一日都要拍20小時左右，佢哋解釋「跳舞多，加上唔同嘅角度，要take好多鏡」！再加上12位成員都各自有自己嘅行程，所以練舞時間越來越少，令佢哋都好擔心舞步嘅精準度！

Photo from MIRROR 《BOSS》MV

Photo from MIRROR IG

相關文章：MIRROR成員姜濤、Edan貼黑圖賀花姐生日！大膽姜B公開Jeremy素顏照/影后毛舜筠瞓覺相

相關文章：【超感應學園】ViuTV 9.13首播！姜濤罕有出浴戲！Anson Lo「飛仔」悲情人設！7大看點+劇情+角色簡介一覽！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

姜濤出席活動突然暈倒 嚇壞隊友 IG深夜訴苦連發14限時動態直言「感到無力」

14 Sep , 2021

MIRROR人氣成員姜濤持續爆紅，其有份主演嘅台灣劇《超感應學園》於昨晚（13/9）首播。不過佢始乎有心事，於昨夜連發14個IG Story，內容未有觸及新劇首播，而係關於近期感無力嘅事情。

Photo from 姜濤 FB

姜濤曝光率極高

姜濤持續成為今年人氣王，任何有佢出現嘅廣告，歌曲及戲劇都會引嚟一番熱議。所以各種不同嘅媒體報道都隨之而來，又會將佢同MIRROR其他成員，甚至前輩級歌手比較。強勁嘅曝光度令部分人開始反感，例如早前就有C AllStar經理人坦言不滿佢嘅廣告隨處可見，更稱MIRROR正職係「廣告從業員」。

Photo from 姜濤 FB

姜濤出席活動突然暈倒

姜濤今日（9月14日）連同Edan（呂爵安）、Jer（柳應廷）、Anson Lo（盧瀚霆）3位隊友一同到海港城出席時裝品牌活動時突然無力暈倒，嚇壞了身邊嘅隊友，要由工作人員攙扶離開現場，姜濤初時離開時更不停作嘔，身體十分不適，令粉絲心痛！

Photo from 粉絲影片

Photo from 粉絲影片

姜濤深夜連出IG Story

22歲姜濤雖然年紀輕輕已人氣旺盛，但佢一直都好渴望公眾關注佢嘅音樂作品，而非花邊新聞。昨晚深夜，佢突然連出十多個IG Story，全部都係入夜後嘅海搭配感言。

Photo from 姜濤 IG Story

首先，姜濤話自己同大海傾咗好多，感受到拍戲有助宣洩情緒，再開始講心事，自言明白粉絲可能抱怨佢喺公開場合笑得比以往少，佢亦唔知道自己何時開始變成咁，「開始變得害怕跟別人接觸，對身邊的工作人員似乎也沒有以前那麼有禮貌了。」

Photo from 姜濤 IG Story

姜濤對身邊人感懷疑

姜濤又指，媒體總係報道「一些有的沒的」，似乎無人會關心佢做嘅音樂。同時，佢無奈表示：「似乎我只是一個被比較的標籤，和隊友比較也好，和所有人比較也好，漸漸的我真的被這些影響了，我也開始對身邊的人感到懷疑，對你們感到懷疑。」

Photo from 姜濤 IG Story

Photo from 姜濤 IG Story

Photo from 姜濤 IG Story

姜濤漸感孤單

無止境嘅報道令佢不斷產生負面情緒，造成惡性循環。姜濤指：「因為對身邊人的不信任，態度自然也沒那麼好，我漸漸變得沒那麼愛笑了，公開的活動，也越來越害怕自己一個人。」

Photo from 姜濤 IG Story

姜濤拍戲感平靜

雖然對好多事感到無奈，但姜濤有感現在拍攝新戲嘅時間有助幫佢回復平靜， 「可能因為能專心做一件事，讓我有時間和自己相處了。」

Photo from 姜濤 IG Story

姜濤承諾粉絲

姜濤續指，有好多嘢佢都無法控制，所以唯有做好自己能控制嘅事情，同時佢答應之後會比姜糖見到一個修理好嘅自己，佢話自己好少講肉麻嘢，但當刻真係好期待再見到粉絲。

Photo from 姜濤 IG Story

最後，佢同一班姜糖講：「你們透過我的歌治癒了傷痕，我以後也會試著用你們去治癒我的傷痕。」相信姜糖們都放下心頭大石，同時甜到入心~

Photo from 姜濤 IG Story

相關文章：【超感應學園】ViuTV 9.13首播！姜濤罕有出浴戲！Anson Lo「飛仔」悲情人設！7大看點+劇情+角色簡介一覽！

相關文章：姜濤新歌Dear My Friend歌詞勁感人！向Kin連發12個IG Story念故友

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）