馬米高狠批梁朝偉英文？！澄清係誤會：「佢講得好過大學生」

最近梁朝偉（偉仔）為宣傳Marvel新片《尚氣與十環幫傳奇》四出接受外媒英語訪問。身為英文達人嘅網紅「馬米高」日前上載了一段影片，以偉仔作教材嚟糾正常見英語錯誤。影片惹嚟唔少網民不滿，認為馬米高有意踩低偉仔。

Photo from 馬米高 Michael MMG YouTube

梁朝偉首次進攻荷里活，出演《尚氣與十環傳奇》中「文武」一角大受歡迎，近日經常以英語接受外媒採訪，不少粉絲都大讚佢講英文好型，但亦因此引起網紅馬米高關注。

Photo from IG: hottoyscollectibles

馬米高關注梁朝偉英語訪問

馬蹄露姪仔馬米高擁有中學英文教師資格，經常拍片教英文，其YouTube頻道有近22萬訂閱。日前，佢上載了一條名為《【只有中三學歷】梁朝偉的英文夠拍Marvel？》嘅影片，並以偉仔一條英語訪問作「示範教材」，指出佢當中嘅文法錯誤。

Photo from 馬米高 Michael MMG YouTube

強調梁朝偉只得中三程度

馬米高於片中多次提起偉仔嘅學歷，直言：「梁朝偉中三畢業，連毅進都讀得多書過佢。」

Photo from 馬米高 Michael MMG YouTube

Photo from 馬米高 Michael MMG YouTube

逐點指出偉仔錯處

其後，佢指出偉仔犯了多個文法錯誤，例如將「He doesn't have」說成「he don't have」、「Deadpool（死侍）」發音變成「Dead poo（死糞便）」、以及用錯「自戀」嘅名詞「narcissism」和形容詞「narcissistic」等等。

Photo from 馬米高 Michael MMG YouTube

Photo from 馬米高 Michael MMG YouTube

影片惹網民不滿

不少網民認為馬米高有意利用學歷踩偉仔，同時指佢唔尊重人，「貶低別人而抬唔高自己」。更有網民認為馬米高無品，透過不斷重提別人學歷及文法錯誤，最終想吸引人幫襯自己嘅收費英語教學。

Photo from 馬米高 FB 評論

Photo from 馬米高 FB 評論

Photo from 馬米高 FB 評論

馬米高澄清

影片惹嚟熱議，馬米高其後接受媒體訪問時表示，其實佢於同一影片嘅尾段大讚偉仔敬業樂業，以一個中三畢業嘅演員嚟講，佢英文拍荷里活片夠用有突，又指佢已講得好過現今大部分嘅香港大學生，睇得出偉仔下了好多苦功。

Photo from 馬米高 Michael MMG YouTube

Photo from 馬米高 Michael MMG YouTube

其實曾任空少嘅馬米高喺影片中亦有分享在航班上接待偉仔嘅經歷，大讚佢好有禮貌，遇到空姐要求合照，偉仔都一口答應，全無架子。

Photo from 馬米高 Michael MMG YouTube

大讚梁朝偉係學習榜樣

馬米高稱，今次影片係想引起觀眾對英文嘅興趣，佢明白不少人即使講廣東話都常有口誤，佢只係將偉仔嘅外媒訪問片段整理好，同觀眾一起研究大家日常常犯嘅英文錯誤。

Photo from 馬米高 Michael MMG YouTube

有網民亦認為好多人無睇完影片便作出批評，指馬米高於片中問道：「如果梁朝偉當初無學好英文，電影公司還會cast佢嗎？」所以，該網民認為影片目的係想鼓勵大家以偉仔作為榜樣，努力進修。

Photo from 馬米高 Michael MMG YouTube

Photo from 馬米高 FB 評論

Photo from 馬米高 FB 評論

相關文章：梁朝偉拍《尚氣》片酬曝光！Marvel出道作史上第二高！坐擁9億物業半山豪宅超奢華

相關文章：【尚氣】梁朝偉揭7歲時爸爸三度離家出走 從此不懂與人相處 曾拒演父親

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）